Mateo 24:43 - Lalang Hu Dios

⁴³ Ba henhenaa nuy haini ha ku agkatun-an pa ngaay hu tagibalay ku kan-u makauma sa takaw magbantay gayed ta daw harì makaseled su takaw.

Mateo 24:43 Iomraidhean Croise

Mateo 14:25

Su madani en agkaaldaw si Jesus luminupug kandan ha taghipanaw letaw duun taena ha wahig ta ag-amul diyà ta kandan.

Mateo 20:11

Su matimù dan en haena sa salapì migtamudmud su nauna duun ku agpanuhul

Mateo 24:42

“Aman magbantay kaw gayed ta harì nuy agkatun-an sa panahun ku kan-u a makalikù siak sa Ginuu nuy.

Mateo 24:44

Aman kinahanglan gayed ha magpangandam kaw ta siak sa Batà hu Etaw makauma a dini hu panahun ha harì nuy tagsalapen.

Mateo 25:10

“Su taghipanaw pa haena sa mga buang-buang ha mga laga ta agpalit hu igtubil dan nakauma en haena sa agpangasawa. Su mga laga ha matatau tuminalagbù ku agpangasawa daw pamaneled duun ku balay ha agkaamulanan dayun sinirahan haena.

Mateo 25:13

“Aman” kagi hi Jesus “pangandam kaw gayed ta harì nuy agkatun-an ku kan-u a aglikù.

Marcos 13:35

“Aman magbantay kaw ta harì nuy agkatun-an ku kan-u makaulì sa agalen nuy, ku daleman ba daw ku liwarà ba sa daleman, ku kaaldawen ba daw ku maselem en ba.

Marcos 6:48

Naahà hi Jesus ha taglised gayed su mga tinun-an din hu pagbegsay ta agkatalagbù dan sa kalamag. Su madani en agkaaldaw si Jesus luminupug kandan sa taghipanaw duun taena ha wahig. Aglabayan din en ngaay sidan

Lucas 12:38

Malipayen gayed su mga suluguen ha tagsalap ku makauma sa agalen dan bisan ku luminam-ag sidan hu pagbantay.

Lucas 12:39

Ba henhenaa nuy haini ha ku agkatun-an pa ngaay hu tagibalay ku kan-u makauma sa takaw harì gayed haena tumiduga ta daw harì maelegan hu takaw.

Lucas 21:36

Aman magbantay kaw gayed daw sigi kaw dà mag-ampù ta daw harì kaw luyahan ku makauma en sa mga hitabù daw harì kaw magayhaan duun hu atubangan ku siak sa Batà hu Etaw.”

Impadayag 16:15

Aman inamul-amul dan en haena duun hu lugar ha tagngaranan duun hu inikagiyan ha Hebreo hu Armagedon. Kagi hi Jesus, “Sa paglikù ku harì agkatun-an iling hu takaw. Malipayen gayed sa etaw ha sigi dà pupukaw daw nabistiyan ta daw harì mayag-awan daw magayhaan.”

Impadayag 3:3

Henhenaa sa napaliman nuy ha intudlù inyu su anay. Tumana haena daw hinulsuli sa mga madaet ha buhat nuy. Ta ku harì nuy hinulsulan elegan ku inyu hu pagsilut iling hu takaw ha harì nuy matun-an ku kan-u agdiyan.