Mateo 21:15 - Lalang Hu Dios

¹⁵ Ba sa mga labaw ha sinaligan hu paghalad daw sa mga manunudlù hu Kasuguan su maahà dan sa belenganen ha binuhat hi Jesus daw su mapaliman dan sa mga batà duun hu Timplu ha tagkulahiay, “Dayeen sa Kaliwat hi David” nangapauk-pauk gayed sidan.

Mateo 21:15 Iomraidhean Croise

Mateo 20:24

Su mapaliman haena ku sampulù ha mga duma dan ha tinun-an napaukan dan gayed su daruwa ha migsuled.

Mateo 21:23

Sumineled si Jesus diyà ta Timplu daw su tagpanudlù en duminiyà ta kandin sa mga labaw ha sinaligan hu paghalad daw sa mga magulang. Ininsaan dan haena, “Inu sa katenged nu daw sin-u sa mig-ila ikaw hu kagahem hu pagbuhat taena?”

Mateo 21:9

Sa madakel ha mga etaw ha nakalibut diyà ki Jesus nangulahì ha tagyanaen, “Dayeen gayed sa Kaliwat hi David. Panalanginan haini sa nakauma ha sinugù hu Dios. Dayeen gayed sa Dios ha diyà ta langit.”

Mateo 22:42

“Inu sa kahenhenaa nuy hu Misiyas? Sin-u man haena ha kaliwat?” Tuminubag sidan, “Saena kaliwat hi David.”

Mateo 26:3

Mig-amul-amul sa mga labaw ha sinaligan hu paghalad daw sa mga magulang duun hu balay hi Caifas sa tungkay labaw ha sinaligan hu paghalad

Mateo 26:59

Sa mga labaw ha sinaligan hu paghalad daw sa alan ha duma dan ha mga labaw ha agalen hu mga Judio nan-ahà gayed hu mga bidù ha katarengan ta daw mahimatayan dan si Jesus.

Mateo 27:1

Su maselem en sa alan ha mga labaw ha sinaligan hu paghalad daw sa mga magulang miglalang-lalang daw mig-uyun ha himatayan dan si Jesus.

Mateo 27:20

Ba pigdasig sa mga kaet-etawan taena ha mga labaw ha sinaligan hu paghalad daw mga magulang ha iyan dan panayuen si Barabas ha libriyen daw himatayan si Jesus.

Mateo 9:27

Su dumayun si Jesus amin daruwa ha buta ha luminupug kandin daw pangumaw, “Sikaw sa Kaliwat hi David, kahid-uwi kay gayed ikaw.”

Marcos 11:18

Su mapaliman haena hu mga labaw ha sinaligan hu paghalad daw hu mga manunudlù hu Kasuguan, nan-ahà sidan hu paagi ha mapatay dan si Jesus ta agkahaldekan dan haena tumenged ta nangabeleng gayed sa kaet-etawan hu katudluanan din.

Lucas 20:1

Amin aldaw ha su tagpanudlù si Jesus diyà ta Timplu mahitenged hu Maayad ha Tultulanen sa mga labaw ha sinaligan hu paghalad daw sa mga manunudlù hu Kasuguan duma hu mga magulang duminiyà ta kandin

Lucas 22:2

sa mga labaw ha sinaligan hu paghalad daw sa mga manunudlù hu Kasuguan nan-ahà hu paagi ha mapatay dan si Jesus ta agkahaldek sidan hu mga etaw.

Lucas 22:66

Su maselem en sa alan ha mga labaw ha agalen hu mga Judio ha iyan sa mga magulang, sa mga labaw ha sinaligan hu paghalad daw sa mga manunudlù hu Kasuguan mig-amul-amul dayun impaatubang diyà ta kandan si Jesus.

Juan 11:57

Ba sa mga labaw ha sinaligan hu paghalad daw sa mga Parisiyu daan en mig-ikagi ha ku sin-u sa makatuen ku hindu duun si Jesus kinahanglan gayed ha magsumbung ta agdakepen dan haena.

Juan 12:19

Aman nakaikagi sa mga Parisiyu, “Hurà taw en gayed mahimu ta ahà kaw, madakel gayed sa agsunud kandin.”

Juan 4:1

Napaliman hu mga Parisiyu ha madakel sa sumusunud hi Jesus daw sa nabautismuwan din dì ki Juan, ba kenà iyan si Jesus migpamautismu ta iyan dà sa mga tinun-an din. Su matun-an hi Jesus ha napaliman haena hu mga Parisiyu sagunà uminawà ta Judea daw likù diyà ta prubinsya ta Galilea.

Juan 7:42

ta sa insulat ha lalang hu Dios tagyanaen ha sa Misiyas kaliwat hi Harì David daw diyà gayed ibatà ta Bethlehem ha iyan banuwa hi David.”