Mateo 2:2 - Lalang Hu Dios

² Nanginginsà sidan, “Hindu haena imbatà sa Harì hu mga Judio? Ta naahà day sa bituen diyà ta sinibwalan ha iyan timaan hu kabataa kandin aman duminini kay hu pagsimba kandin.”

Mateo 2:2 Iomraidhean Croise

Mateo 2:3

Su mapaliman haena hi Harì Herodes daw hu mga taga-Jerusalem tungkay gayed sidan nasamuk.

Mateo 21:5

“Tultuli nuy sa mga taga-Jerusalem, ‘Sa Harì nuy pakauma en, saena maluluy-en daw taglulan duun hu nati hu asnu.’”

Mateo 27:11

Su diyà en si Jesus ta atubangan ku gubirnadur ininsaan din si Jesus, “Iyan ka ba Harì hu mga Judio?” Tuminubag si Jesus, “Iyan ad en su inikagi nu.”

Lucas 19:38

“Panalanginan gayed sa Harì ha nakauma ha sinugù hu Dios. Malinawen iman sa pagdapità hu Dios daw hu mga etaw aman dayeen gayed sa Dios diyà ta langit.”

Lucas 2:11

Diyà iman ta Bethlehem sa banuwa hi David imbatà en sa Manluluwas hu kaet-etawan ha iyan si Cristo ha Ginuu.

Lucas 23:3

Aman ininsaan haena hi Pilato, “Iyan ka ba Harì hu mga Judio?” Tuminubag si Jesus, “Iyan ad en su inikagi nu.”

Lucas 23:38

Sa sampaw ta ulu hi Jesus sinulatan, “Iyan haini Harì hu mga Judio.”

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 12:13

Aman tuminalagbù sidan kandin daw mig-uwit sidan hu mga palwa hu pagdayè kandin daw namangulahì sidan, “Dayeen gayed sa Dios. Panalanginan haini sa nakauma ha sinugù hu Dios. Panalanginan sa Harì hu mga kaliwatan hi Israel.”

Juan 18:37

Minikagi si Pilato, “Ku iyan hayan harì ka gayed diay.” Si Jesus tuminubag, “Laus sa inikagi nu ta siak Harì a gayed. Iyan hayana indini ku ta kalibutan ha migpakaetaw a ta daw matun-an hu kaet-etawan sa kamatuuran. Bisan sin-u sa agkabayà ha makatuen hu kamatuuran tagpaliliman kanak.”

Juan 19:19

Sa sampaw ta ulu hi Jesus pinasulatan hi Pilato, “Si Jesus ha taga-Nazareth sa Harì hu mga Judio.”

Juan 20:28

Dayun nakaikagi si Tomas, “Ginuu daw Dios ku.”

Juan 5:23

ta daw matahuran a kandan iling hu katahura dan kandin. Bisan sin-u sa harì magtahud kanak harì daan tagtahud hu Amay ku ha migsugù kanak.

Juan 9:38

Dayun tuminubag su etaw, “Ginuu, agtuu a gayed ikaw” daw sagunà haena suminimba ki Jesus.

Hebreo 1:6

Ba su ipadini hu Dios sa gamhanan ha Batà din ta kalibutan minikagi haena, “Sa alan ha mga balinsuguen ku sumimba gayed kandin.”

Impadayag 22:16

“Iyan a si Jesus sa migsugù taena ha balinsuguen ku hu pagpanunultul taini diyan ta inyu sinyu sa mga punduk hu tagkaamul-amul ha mga tumutuu. Iyan a su Kaliwat hi David daw bituen ha makabugwas.”