Mateo 2:14 - Lalang Hu Dios

¹⁴ Aman migbangun si Jose daw dinuma din su batà daw sa inay taena dayun huminipanaw sidan payanaen ta Ehipto bisan ku daleman.

Mateo 2:14 Iomraidhean Croise

Mateo 1:24

Su mapukaw si Jose binuhat din sa inikagi taena ha balinsuguen hu Dios. Inasawa din si Maria

Mateo 2:13

Su maipus en su mga matatau ha mga etaw huminiwal en paman diyà ki Jose sa balinsuguen hu Dios pinaagi hu damugu ha tagyanaen, “Bangun kad, dumaha su batà daw sa inay din daw pulaguy kaw diyà ta Ehipto. Daw kaw en awà diyà ku ikagiyan kud inyu ta agpan-ahaen en iman hi Herodes hayana sa batà ta aghimatayan din.”

Mateo 2:15

Diyà sidan migtimà hangtud ha minatay si Herodes. Nahitabù haena ta daw matuman sa inikagi hu Dios pinaagi hu prupita ha tagyanaen, “Impalikù ku sa Batà ku ha diyà napuun ta Ehipto.”

Lucas 8:24

Aman pinukaw hu mga tinun-an si Jesus, “Ginuu, agkalened kuy en.” Migbangun si Jesus daw baldenga sa kalamag daw adagi ha mga baled aman sagunà migleneng.

Mga Buhat 26:21

Tumenged taini dinakep a hu mga Judio su duun a hu Timplu daw aghimatayan a ngaay kandan.