Mateo 19:16 - Lalang Hu Dios

¹⁶ Amin etaw ha duminiyà ki Jesus daw nanginginsà, “Manunudlù, inu man sa maayad ha buhaten ku ta daw mailahan a hu kinabuhì ha hurà din katapusan?”

Mateo 19:16 Iomraidhean Croise

Mateo 19:15

Su madampà din sidan daw ampui uminawà si Jesus diyà.

Mateo 19:26

Uminahà diyà ta kandan si Jesus daw kagi din, “Saena harì gayed agkabaluy hu etaw ba sa alan agkahimu hu Dios.”

Mateo 19:29

Sa alan ha inawaan dan sa mga bugtà, balay, mga suled, mga laas, mga batà dan, tumenged hu pagsunud kanak, bisan iman ha panahun makadawat en gayed hu madakel pa dì taena ha inawaan dan daw maangken dan daan sa kinabuhì ha hurà din katapusan.

Mateo 25:46

“Dayun saena ha mga etaw ilambeg diyà ta Impirnu daw silutan hu hurà din katapusan, ba sa matareng mailahan hu kinabuhì ha hurà din katapusan.”

Juan 10:28

Ilahan ku daan sidan hu kinabuhì ha hurà din katapusan daw harì en gayed sidan malaag ta hurà en bisan sin-u ha makaagaw kandan dini ta kanak.

Juan 12:25

Bisan sin-u sa agkanugun hu kinabuhì din matay dà gihapun, ba saena ha tagsunud kanak bisan duun hu kamatayen amin din kinabuhì ha hurà din katapusan.

Juan 3:15

ta daw sa alan ha tumuu kandin mailahan hu kinabuhì ha hurà din katapusan.

Juan 4:14

ba saena ha uminum hu wahig ha ig-ila ku harì en gayed malauwan. Ta sa wahig ha ig-ila ku iyan mahimu ha tuburan ha makaila kandin hu kinabuhì ha hurà din katapusan.”

Juan 5:39

Tagtuen kaw gayed hu lalang hu Dios ta kagi nuy ha iyan haena makaila inyu hu kinabuhì ha hurà din katapusan. Ba saena ha lalang din iyan daan makapanistigus mahitenged kanak,

Juan 6:47

Laus gayed sa tag-ikagiyen ku ha sa etaw ha tumuu kanak amin din kinabuhì ha hurà din katapusan.

Juan 6:68

Ba tuminubag si Simon Pedro, “Ginuu, hurà en lain ha maelegan day ta iyan ka dà tagtudlù hu paagi duun hu kinabuhì ha hurà din katapusan.

Mga Buhat 16:30

Inuwit din sidan diyà ta guwà daw pan-insai, “Inu man sa buhaten ku ta daw maluwas a?”

Roma 2:7

Saena ha agpaniguru gayed hu pagbuhat hu maayad ta iyan dan taghenhenaen ha dayeen sidan hu Dios daw ipatangkaw sidan hu hurà din katapusan, mailahan sidan hu kinabuhì.

Roma 5:21

Bisan ku sa salà iyan hinengdan ha igpatay hu etaw ba pinaagi hu adagi ha grasya hu Dios kanuy inisip kuy gihapun kandin ha matareng tumenged ki Cristo Jesus ha Ginuu taw ta daw makaangken kuy hu kinabuhì ha hurà din katapusan.

1 Timoteo 1:16

ba nahid-uwan a gihapun hu Dios ta daw makapadayag din duun hu mga etaw sa pagkamapailuben gayed hi Cristo Jesus mailing kanak sa makasasalà daw mabuhat a sampitan hu alan ha tumuu kandin ha mailahan hu kinabuhì ha hurà din katapusan.

1 Timoteo 6:12

Maniguru ka gayed duun hu pagtuu isip ha buutan ha sundalu daw siguruwan nu sa kinabuhì ha hurà din katapusan ta hinimu ka hu Dios ha tumutuu ta daw mailahan ka taena daw madakel daan sa mga tistigus su ikagiyen sa pagtuu nu diyà ki Cristo Jesus.

1 Timoteo 6:19

ta pinaagi taena maamul-amul sa katigayunan dan diyà ta langit ha harì en gayed mahanaw daw maangken dan sa laus ha kinabuhì ha hurà din en gayed katapusan.

Tito 1:2

daw mahinam dan daan sa kinabuhì ha hurà din katapusan ha insaad kanuy hu Dios su hurà pa tanghagaa sa kalibutan. Sa Dios ha Manluluwas taw harì gayed tagbidù, aman duun hu natugun ha panahun impadayag din haena pinaagi hu pagpanunultul ku hu lalang ha insalig din kanak.

Tito 3:7

ta daw pinaagi hu grasya din nabuhat ki ha matareng, aman tagsalapen ta iman sa katumanan hu kinabuhì ha hurà din en katapusan.

1 Juan 1:2

Su magpakaetaw haena naahà day aman agkaikagi day ha laus gayed. Sa tigtultul day iman inyu iyan sa mahitenged ki Jesus sa puunaan hu kinabuhì ha hurà din katapusan daw iyan daan duma hu Dios ha Amay taw ba iman migpaahà en kanay.

1 Juan 2:25

Ta sa insaad kanuy hi Jesus iyan sa kinabuhì ha hurà din katapusan.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

Judas 1:21

Magpabilin kaw duun hu pagpalanggà inyu hu Dios iman ha tag-angat kaw pa hu katumanan taena ha kinabuhì ha hurà din en katapusan ha ig-ila kanuy hi Cristo Jesus ha Ginuu taw tumenged hu kahid-u din kanuy.