Mateo 17:12 - Lalang Hu Dios

¹² Ba ikagiyen ku inyu ha nakadini en si Elias ba hurà kakilala hu mga etaw aman bà dan dà pinasipalahi sumalà hu agkabayaan dan. Iling taena ipaantus a daan kandan siak sa Batà hu Etaw.”

Mateo 17:12 Iomraidhean Croise

Mateo 11:2

Su diyà en ta prisuhan si Juan Ha Tagpangbautismu napaliman din sa mga binuhat hi Cristo, aman sinugù din sa mga sumusunud din

Mateo 16:21

Sugud taena sinaysay hi Jesus duun hu mga tinun-an din ha kinahanglan dumiyà gayed ta Jerusalem daw mag-antus hu madakel ha mga pasipala hu mga magulang daw hu mga labaw ha sinaligan hu paghalad daw hu mga manunudlù hu Kasuguan, daw pahimatayan dan gayed ba duun hu ikatulu ha aldaw mabanhaw dà.

Mateo 17:11

Si Jesus tuminubag, “Laus gayed ha mauna dini si Elias daw mapamandayan din sa alan.

Mateo 17:13

Dayun human nasabut hu mga tinun-an din ha iyan din tagsubayen si Juan Ha Tagpamautismu.

Mateo 17:22

Su panahun ha naamul si Jesus daw sa mga tinun-an din diyà ta Galilea inikagiyan sidan hi Jesus, “Siak sa Batà hu Etaw laus ad en itugyan duun hu aghimatay kanak ba duun hu ikatulu ha aldaw mabanhaw a dà.” Tumenged taena nangaguul sa mga tinun-an hi Jesus.

Mateo 17:9

Su tagtubang en sidan diyà ta alug binalaudan sidan hi Jesus, “Harì nuy itultul haena sa naahà nuy hangtud ha mabanhaw a sa Batà hu Etaw.”

Mateo 21:32

Ta nakadini si Juan Ha Tagpamautismu hu pagpaahà inyu hu paagi ha mabuhat kaw ha matareng ba hurà nuy tuuwi. Ba saena ha mga limbungan daw sa madaet ha mga bahi tuminuu kandin. Bisan su maahà nuy en ha namanuu sidan ba hurà kaw gihapun tuu daw hurà kaw daan maghinulsul hu mga salà nuy.

Mateo 8:20

Ba tuminubag si Jesus, “Sa laku amin din tagtimaan daw sa mga tagbis amin dan daan mga dalagpuay, ba siak sa Batà hu Etaw hurà ku himlayà.”

Lucas 7:33

Su makauma si Juan Ha Tagpamautismu sa tagsalang hu pagkaen daw hurà inum hu binu inikagi nuy ha bà dà haena agkalibeg.

Juan 1:11

Duminuun hu kaugalingen din ha lugar ba hurà dawata hu mga duma din.

Mga Buhat 2:23

Daan en intagana hu Dios ha si Jesus itugyan diyan ta inyu daw ipalansang nuy duun hu krus taena ha mga etaw ha masinupaken.

Mga Buhat 4:10

kinahanglan ha matun-an nuy daw hu alan ha kaliwat hi Israel ha pinaagi hu ngaran hi Cristo Jesus ha taga-Nazareth sa impalansang nuy duun hu krus ba pigbanhaw dà hu Dios iyan ingkaulii taini ha tag-ahaen nuy iman.

Mga Buhat 7:52

Amin ba prupita ha hurà pasipalahi hu mga gin-apuan nuy? Bisan sa migtagnà hu pagpakauma hi Jesus ha matareng gayed pighimatayan dan. Iman impadakep nuy daan haena daw pinahimatayan nuy.