Mateo 16:16 - Lalang Hu Dios

¹⁶ Tuminubag si Simon Pedro, “Iyan ka su Misiyas sa Batà hu bubuhay ha Dios.”

Mateo 16:16 Iomraidhean Croise

Mateo 1:16

Si Jacob amay hi Jose ha iyan asawa hi Maria ha inay hi Jesus. Si Jesus iyan tagngaranan ki Cristo.

Mateo 14:33

Dayun sa mga tinun-an din duun ku barutu suminimba ki Jesus hu kagi dan, “Batà ka gayed hu Dios.”

Mateo 16:15

Ininsaan sidan hi Jesus, “Sinyu, sin-u a man duun hu henà-henà nuy?”

Mateo 26:63

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Duun hu atubangan hu Dios ha bubuhay ipanumpà nu daw ikagiyi kay ku iyan kad ba su Misiyas ha Batà hu Dios.”

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Mateo 4:3

Dayun si Jesus inubayan hu Manunulay daw ikagiyi, “Ku Batà ka hu Dios ikagiyi haini sa mga batu ha mabuhat ha supas.”

Marcos 14:61

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Iyan kad ba su Misiyas ha Batà hu Dios?”

Lucas 2:11

Diyà iman ta Bethlehem sa banuwa hi David imbatà en sa Manluluwas hu kaet-etawan ha iyan si Cristo ha Ginuu.

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 11:27

Tuminubag si Marta, “Hee, Ginuu, agtuu a ha iyan ka su Misiyas ha Batà hu Dios ha intagnà ha dumini ta kalibutan.”

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Juan 6:57

Sa Amay ku ha migsugù kanak iyan tag-ila hu kinabuhì aman tumenged taena amin ku kinabuhì. Iling daan ha sa kumaen kanak mailahan hu kinabuhì ha hurà din katapusan.

Juan 6:68

Ba tuminubag si Simon Pedro, “Ginuu, hurà en lain ha maelegan day ta iyan ka dà tagtudlù hu paagi duun hu kinabuhì ha hurà din katapusan.

Juan 6:69

Iman agtuu kay ikaw ta natun-an day ha iyan ka su sinugù hu Dios.”

Mga Buhat 14:15

“Imbà nuy tagbuhata haini? Mig-iling kuy dà ha etaw. Duminini kay ta daw masangyawan day inyu hu Maayad ha Tultulanen ta daw maendaan nuy sa hurà din pulus ha tinumanan daw tuuwan nuy sa bubuhay ha Dios ha iyan migtanghagà ta langit daw ta kalibutan, ta dagat daw sa alan ha duun taena.

Mga Buhat 8:36

Hurà kalugay nakauma sidan duun hu wahig aman minikagi su upisyal, “Taini en sa wahig. Harì ba mabaluy ha bautismuwan ad iman ikaw?”

Mga Buhat 8:37

Tuminubag si Felipe, “Ku laus gayed sa pagtuu nu mabaluy hayan.” Minikagi su upisyal, “Tuminuu a gayed ha si Cristo Jesus Batà hu Dios.”

Mga Buhat 9:20

Dayun migtudlù duun hu mga simbahan ha si Jesus Batà hu Dios.

2 Corinto 1:19

Ta si Cristo Jesus sa Batà hu Dios ha insangyaw day ki Silas daw ki Timoteo kasaligan gayed daw harì tagbidù

2 Corinto 3:3

Iyan kaw en sulat ha napuun diyà ki Cristo tumenged ta sinugù kay kandin diyan ta daw makatuu kaw. Saini ha sulat kenà pinaagi hu tintà daw ku duun ba hu batu iling taena ha sinulatan hu Kasuguan, ta saini insulat hu Dios ha bubuhay duun hu gahinawa nuy pinaagi hu Balaan ha Ispiritu.

2 Corinto 6:16

Harì gayed daan mabaluy ha ipag-amulà sa timplu hu Dios daw sa mga diyus-diyus. Sikuy sa mga tumutuu iyan kuy timplu ha tagtimaan hu Dios ha bubuhay ta sa lalang hu Dios tagyanaen, “Magtimà a diyà ta kandan daw iyan a mabuhat ha Dios dan daw mabuhat daan sidan ha mga etaw ku.”

1 Tesalonica 1:9

ta saena ha mga etaw iyan en nakatultul ha dinawat kay gayed inyu. Intultul dan daan ha inendaan nuy en sa mga diyus-diyus na sa tagsimbahen nuy iman iyan en sa laus daw bubuhay ha Dios

1 Timoteo 3:15

ku mayawat a hu pagdiyan matun-an nud en ku inu sa maayad ku mag-amul-amul kaw pagsimba hu Dios. Ta sikuy sa mga tumutuu pamilya hu Dios ha bubuhay daw mga tukud kuy daan ha duun sa kamatuuran.

1 Timoteo 4:10

Iman agpaniguru ki gayed bisan ku amin mga alantusen, ta iyan ta taghinamen sa Dios ha iyan bubuhay daw Manluluwas hu kaet-etawan ha tumuu kandin.

Hebreo 10:31

Pinakahaluhaldek gayed sa paghukum hu Dios ha bubuhay.

Hebreo 12:22

Ba sinyu makaubay kaw duun hu Bubungan ta Zion daw duun hu banuwa hu Dios ha bubuhay ha iyan sa Bag-u ha Jerusalem diyà ta langit ha duun naamul-amul sa harì maiyap ha balinsuguen hu Dios ha malipayen gayed.

Hebreo 3:12

Mga suled, mag-andam kaw ha hurà madaet ha henà-henà duun hu bisan sabuwa inyu daw makasupak hu pagtuu, ta iyan haena ipakasuway nuy duun hu bubuhay ha Dios.

Hebreo 9:14

labaw pa gayed sa mahimu hu langesa hi Cristo. Ta pinaagi hu bulig hu Balaan ha Ispiritu ha hurà din katapusan inhalad din sa himpit ha kaugalingen din duun hu Dios ha bubuhay ta daw angayan kuy hu pagsimba kandin ta inawà din sa kasamuk taw mahitenged hu pagpakasalà taw ha iyan ngaay tag-uwit kanuy duun hu kamatayen.

1 Juan 4:15

Bisan sin-u sa tag-ikagi ha si Jesus iyan gayed Batà hu Dios saena nakigsabuwa gayed hu Dios.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

1 Juan 5:5

Sin-u sa agpakadaeg taena ha madaet? Iyan gayed sa tuminuu ha si Jesus Batà hu Dios.

Impadayag 7:2

Dayun naahà ku sa sabuwa ha balinsuguen hu Dios ha diyà napuun ta sinibwalan ha tagbalabad hu timaan hu Dios ha bubuhay. Duun hu madaging ha lageng inikagiyan din su haepat ha balinsuguen ha inilahan hu kagahem hu pagdaet ta bugtà daw ta dagat