Mateo 15:32 - Lalang Hu Dios

³² Inamul hi Jesus sa mga tinun-an din daw ikagiyi sidan, “Agkahid-uwan ku haini sa mga etaw ta tatulu en ha aldaw sa pagduma-dumahà dan kanuy daw hurà dan en gayed agkakaen. Harì ku agkabayaan ha ipaulì ku sidan ha hurà dan makaen ta kan ku tasien sidan diyà ta dalan.”

Mateo 15:32 Iomraidhean Croise

Mateo 12:40

ta si Jonas linam-ed hu adagi ha sedà ba duun hu tatulu ha aldaw imbula dà. Siak sa Batà hu Etaw makaduun a daan hu alima hu kamatayen ba sugud taena payanaen hu tatulu ha aldaw mabanhaw a dà.

Mateo 14:13

Su mapaliman hi Jesus sa tultul mahitenged hu kamatayen hi Juan luminulan haena duun hu barutu ha iyan dà sidan hu mga tinun-an din daw duun hu pinakabulung-bulung ha lugar. Ba su mapaliman hu mga etaw ha tagtimà duun taena ha mga banuwa namanlupug sidan ki Jesus ba diyà sidan uminagi ta gaun.

Mateo 15:33

Ba tuminubag su mga tinun-an din, “Hindu kay duun makatimù hu igpakaen kandan ta pinakabulung-bulung haini ha lugar daw madakel tungkay sidan?”

Mateo 20:34

Nahid-uwan gayed sidan hi Jesus aman dinampà din sa mga mata dan. Sagunà sidan nakaindan daw pamanduma ki Jesus.

Mateo 27:63

hu kagi dan, “Natiman-an day sa inikagi taena ha limbungan su bubuhay pa ha mabanhaw dà kun ku maiwas sa tatulu ha aldaw.

Mateo 9:36

Su maahà din sa kaet-etawan nahid-uwan din gayed sidan ta agkailing sidan hu mga karniru ha agkangasamuk daw tagkangalaag ta hurà duun magbalantay.

Marcos 9:22

Kapila en hayana ipaagbul hu busaw duun hu hapuy daw duun hu wahig ta daw mapatay din. Ba ku mabaluy nu ngaay kahid-uwi kay daw buligi kay ikaw.”

Lucas 7:13

Su maahà hi Jesus su bahi ha balu nahid-uwan din aman inikagiyan din, “Harì ka tag-agalà.”

Mga Buhat 27:33

Su madani en agkaaldaw inikagiyan sidan hi Pablo, “Sampulù en daw haepat ha aldaw sa kasalang nuy hu pagkaen, aman kaen kaw en ta daw makabis-ay kaw ta hurà gayed mainu inyu.”

Hebreo 4:15

Maluluy-en haini ta natun-an din sa kaluya taw tumenged ta nakaagi daan hu bisan inu ha panulay iling kanuy, ba hurà gayed hu kandin makasalà.