Mateo 14:6 - Lalang Hu Dios

⁶ Su aldaw ha agsaulugen hi Herodes sa kabataa kandin suminayaw sa laga-laga hi Herodias duun hu atubangan taena ha nangaamul-amul diyà. Tumenged ta tungkay gayed nabayà-baya hi Herodes

Mateo 14:6 Iomraidhean Croise

Mateo 14:3

Si Herodes iyan migsugù ha dakepen, bakusen, daw prisuhen si Juan. Binuhat din haena tumenged ta inasawa hi Herodes si Herodias ha asawa daan hu suled din ha si Felipe

Mateo 14:7

impanumpà din ha iila din sa bisan inu ha panayuen taena ha suminayaw.

Mateo 22:24

aman inikagiyan dan si Jesus, “Manunudlù, sa Kasuguan hi Moises tagyanaen, ‘Ku matay sa maama ba hurà pa sidan pamatà ki igbahi din kinahanglan ha sa suled taena ha maama asawahen din su bahi ha nabalu ta daw ku magbatà sidan kaliwat pa haena ku suled din ha minatay.’

Marcos 6:14

Napaliman hi Harì Herodes sa mga tultulanen mahitenged ki Jesus ta nabantug haena duun hu bisan hindu. Sa duma ha mga etaw tag-ikagi, “Iyan kun haena si Juan ha Tagpamautismu ha nabanhaw aman agkahimu din sa mga belenganen.”

Marcos 6:17

Si Herodes iyan migsugù su anay ha dakepen si Juan daw bakusa diyà ta prisuhan. Binuhat din haena tumenged ta inasawa hi Herodes si Herodias sa igbahi daan hu suled din ha si Felipe

Marcos 6:19

Aman migdumut ki Juan su igbahi hi Herodes ha si Herodias daw agkabayaan din en haena agpahimatayi. Ba hurà din haena kahimu

Marcos 8:15

Inikagiyan sidan hi Jesus, “Magbantay kaw hu igpatulin taena ha mga Parisiyu daw hi Herodes.”

Lucas 13:31

Duun taena ha panahun amin mga Parisiyu ha duminiyà ki Jesus ha minikagi, “Umawà ka dini ta aghimatayan ka hi Herodes.”

Lucas 23:11

Dayun si Herodes daw sa mga sundalu din migtameyes en daan ki Jesus daw pinagagayhaan dan. Pininaksuyan dan hu bisti hu harì daw ipalikù diyà ki Pilato.

Lucas 23:7

Su matun-an din ha si Jesus sakup diay hi Herodes impauwit din diyà ki Herodes ta diyà daan ta Jerusalem taena ha panahun.

Lucas 3:1

Su sampulù en daw lalima ha tuig sa pagkaharì hi Tiberio Cesar diyà ta Roma, si Poncio Pilato iyan daan gubirnadur diyà ta Judea daw si Herodes iyan harì diyà ta Galilea. Sa suled din ha si Felipe iyan daan harì diyà ta Iturea daw ta Triconitis, daw si Lisanias iyan harì diyà ta Abilene.

Lucas 3:19

Duun taena ha panahun binaldeng hi Juan si Harì Herodes ta inasawa din si Herodias sa asawa hu suled din daw amin pa duma ha madaet ha buhat hi Herodes.

Lucas 8:3

si Juana sa asawa hi Cusa ha iyan sinaligan hi Herodes, si Susana daw amin pa gayed madakel ha mga bahi. Minulig sidan ki Jesus daw hu mga tinun-an din pinaagi hu pag-ila hu mga kinahanglanen dan.

Mga Buhat 12:1

Duun taena ha panahun impadakep hi Harì Herodes sa duma ha tumutuu ta agpasipalahan din.

Mga Buhat 4:27

Saini natuman gayed ta dini ta Jerusalem si Herodes daw si Poncio Pilato daw sa duma ha mga Judio daw sa kenà mga Judio mig-uyun sidan hu paghimatay ki Jesus sa sinugù nu daw pinilì nu ha magharì.