Mateo 13:57 - Lalang Hu Dios

⁵⁷ Tumenged taena hurà dan dawata sa intudlù din. Inikagiyan sidan hi Jesus, “Sa prupita agtahuran duun hu bisan hindu ha lugar dì hu kandin ha banuwa daw duun hu balay din.”

Mateo 13:57 Iomraidhean Croise

Mateo 11:6

Malipayen gayed sa etaw ha harì tagduwa-duwa hu pagsalig din kanak.”

Mateo 13:58

Tumenged ta harì en daan sidan agtuu kandin atiyuay dà sa impaahà din kandan ha mga belenganen.

Marcos 6:1

Si Jesus uminawà diyà daw likù duun hu kandin ha banuwa duma hu mga tinun-an din.

Marcos 6:14

Napaliman hi Harì Herodes sa mga tultulanen mahitenged ki Jesus ta nabantug haena duun hu bisan hindu. Sa duma ha mga etaw tag-ikagi, “Iyan kun haena si Juan ha Tagpamautismu ha nabanhaw aman agkahimu din sa mga belenganen.”

Marcos 6:3

Kenà ba batà hayana hu panday daw sa inay din iyan man si Maria, sa mga suled din iyan si Santiago daw si Jose, si Judas daw si Simon, daw dini dà daan tagtimà sa mga atebay din?” Tumenged taena hurà dan dawata sa intudlù din.

Marcos 6:4

Inikagiyan sidan hi Jesus, “Sa prupita agtahuran duun hu bisan hindu ha lugar dì hu kandin ha banuwa daw hu mga kadumahan din.”

Lucas 4:24

Minikagi pa si Jesus, “Laus gayed sa ag-ikagiyen ku inyu ha sa prupita harì agdawaten duun hu kandin ha banuwa.

Lucas 7:23

Malipayen gayed sa etaw ha harì tagduwa-duwa hu pagsalig din kanak.”

Juan 4:44

Naikagi en hi Jesus ha sa prupita harì matahuran hu mga etaw duun hu kandin dà ha banuwa.

Juan 6:42

Minikagi sidan, “Kenà ba iyan haini si Jesus ha batà hi Jose? Daw agkakilala day dà daan sa amay daw sa inay din. Imbà tag-ikagiyà ha diyà napuun ta langit?”

Juan 6:61

Ba natun-an hi Jesus ha sa mga duma ha sumusunud din tagtamudmud mahitenged hu tigtudlù din, aman inikagiyan din sidan, “Agtambagan nuy ba diay sa inikagi ku?