Mateo 12:45 - Lalang Hu Dios

⁴⁵ agpangembang su busaw hu pitu ha duma din ha ayuwà pa madaet dì kandin daw taguan dan dà paman haena sa etaw. Aman ayuwà pa malegen sa kahimtang taena ha etaw dì su anay. Iyan daan haena maul-ulahan hu madaet ha mga etaw iman.”

Mateo 12:45 Iomraidhean Croise

Mateo 12:24

Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”

Mateo 12:44

agkahenhenaan din ha lumikù dà duun taena ha pigtimaan din su anay. Ku maahà din dà haena ha hurà en duun tagtimà daw limpyu en

Mateo 17:21

Ba saena ha klasi hu busaw mabugaw pinaagi dà gayed hu harì agkaelangan ha pag-ampù.”

Mateo 23:15

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Madiyù gayed sa napayanan-an nuy ta bà nuy en nangalayun sa dagat hu pagkabig hu sabuwa ha etaw, ba sa intudlù nuy taena ha kinabig nuy nakapadaet kandin ha iyan ipaka-Impirnu din.

Mateo 23:24

Iling kaw hu buta ha tagkipit hu duma din ha buta. Bà su ag-awaen nuy sa langaw duun hu baung ha ag-inuman nuy ba aglam-eden nuy sa kabayu.

Marcos 16:9

Su mabanhaw en si Jesus hu kaaldawen hu Duminggu iyan una ha pigpaahaan din diyà si Maria Magdalena su naulian din ha tinaguan su anay hu pitu ha busaw.

Marcos 5:9

Dayun ininsaan hi Jesus, “Sin-u sa ngaran nu?” Tuminubag haena, “Sa ngaran ku Libu-libuwen tumenged ta madakel kay.”

Lucas 11:26

agpangembang su busaw hu pitu ha duma din ha ayuwà pa madaet dì kandin daw taguan dan dà paman haena sa etaw. Aman ayuwà pa malegen sa kahimtang taena ha etaw dì su anay.”

Efeso 6:12

Ta sa pakigsabà taw kenà etaw dà ba iyan gayed si Satanas daw sa mga ginsakupan din ha amin din kagahem diyà ta kawanangan daw dini ta kalibutan daw iyan daan agalen hu mga etaw ha duun hu kasukileman.

Hebreo 10:39

Kenà kuy duma taena ha agpaman-endà daw agsilutan ta amin taw pagtuu aman naluwas kuy.