Mateo 12:42 - Lalang Hu Dios

⁴² Sukmatan kaw daan asem hu silut taena ha rayna ta Sheba ta madiyù sa hinipanawan din hu pagpaliliman hu katudluanan hi Harì Solomon. Ba iman dini en sa matatau pa dì ki Solomon ba harì nuy agtuuwan.

Mateo 12:42 Iomraidhean Croise

Mateo 12:41

Asem ku Aldaw hu Paghukum sukmatan kaw hu silut taena ha mga taga-Ninive ta mighinulsul sidan hu mga salà dan su mapaliman dan sa intultul hi Jonas. Ba iman dini en sa labaw pa dì ki Jonas ba harì nuy agdawaten.

Mateo 12:6

Ikagiyen ku inyu ha amin nakadini ta inyu ha labaw pa dì hu Timplu.

Mateo 17:5

Su tag-ikagi pa si Pedro amin tagpangaluanlag ha gabun ha nakabungkus kandan, daw amin lageng ha napuun duun ku gabun ha tagyanaen, “Iyan en haini pinalanggà ku ha Batà ha tigkabayà-bayà ku. Magpaliliman kaw kandin.”

Mateo 3:17

Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Juan 1:14

Saena ha Lalang migpakaetaw daw uminamul kanuy hu mababà ha panahun. Naahà day sa pagkagamhanan ha in-ila kandin hu Dios ha Amay din tumenged ta iyan bugtung ha Batà din. Saena maluluy-en gayed daw natun-an taw en diyà ta kandin sa kamatuuran.

Juan 1:18

Hurà gayed etaw ha nakaahà hu Dios, ba sa bugtung ha Batà din ha dayun dà tagduma kandin iyan migpakilala kanuy hu Amay din.