Mateo 11:23 - Lalang Hu Dios

²³ Daw sinyu daan sa taga-Capernaum, kagi nuy ha iyan kaw en mga impatangkaw ha etaw ba ilambeg kaw asem diyà ta Kamatayan, ta sa mga belenganen ha naahà nuy ku iyan pa ngaay nakaahà duun sa mga etaw diyà ta Sodoma harì ngaay haena bigsulan na duduun pa gan haena.

Mateo 11:23 Iomraidhean Croise

Mateo 10:15

Laus gayed sa ag-ikagiyen ku inyu ha asem ku Aldaw hu Paghukum mahagkap dà sa isilut hu Dios taena ha mga etaw diyà ta Sodoma daw ta Gomora dì hu mga etaw duun taena ha banuwa.

Mateo 16:18

Ikagiyen ku ikaw ha iman sa ngaran nu iyan si Pedro ha sa kahulugan taena Batu. Saena ha inikagi nu mahitenged kanak iyan daan batu ha malig-en ha duun taena agtukura sa alan ha tumuu kanak daw saena harì en gayed madaeg bisan pa hu kamatayen.

Mateo 17:24

Su makauma en si Jesus daw sa mga tinun-an din diyà ta Capernaum ininsaan si Pedro hu mga manunukut hu buhis ta Timplu, “Tagbayad ba sa Manunudlù nuy hu buhis taena ha Timplu?”

Mateo 4:13

Suminagad diyà ta Nazareth daw migtimà diyà ta Capernaum ha kilid hu danaw, saena ha lugar tagngaranan hu Zebulon daw Neftali.

Mateo 8:5

Su diyà en si Jesus ta Capernaum amin diyà kapitan hu sundalu ta Roma ha tuminalagbù ki Jesus daw hangyù,

Lucas 10:15

Daw sinyu daan sa taga-Capernaum, kagi nuy ha iyan kaw en mga labaw ha etaw ba ilambeg kaw asem diyà ta Kamatayan.”

Lucas 14:11

Ta bisan sin-u sa tagpalabaw-labaw igpaubus ba saena ha tagpaubus igpatangkaw.”

Lucas 16:23

Diyà ta Hadis tag-antus haena hu tungkay masakit. Huminangad haena daw naahà din si Abraham diyà ta kadiyuan daw si Lazaro sa diyà daan ta ubay din.

Lucas 4:23

Ba inikagiyan sidan hi Jesus, “Amin duma inyu ha nakahenà-henà, ‘Mananambal, unaha bulunga sa ikaw ha dalu. Buhata daan duun taini ha banuwa nu sa napaliman day ha binuhat nu diyà ta Capernaum.’”

Mga Buhat 2:27

ta natun-an ku ha harì a kandin itugyan diyà ta Kamatayan daw harì din daan itugut ha maledak haini sa lawa ku siak sa sinugù din.

Mga Buhat 2:31

Intagnà din daan sa pagkabanhaw hu Misiyas ha harì itugyan diyà ta Kamatayan daw harì daan itugut ha maledak sa lawa din.

Judas 1:7

Iling daan sa mga etaw diyà ta Sodoma daw Gomora daw duun hu ubayà taena ha banuwa nakasalà daan ta sa binuhat dan malaw-ay daw migpaasawahà sa alan dà maama. Nabuhat sidan ha sampitan hu mga agsilutan pinaagi hu hapuy ha harì en gayed agkapedengan.

Impadayag 1:18

Migpakamatay a su anay ba iman bubuhay ad en hu hinangturan daw iyan a sinaligan hu kamatayen daw amin ku kagahem diyà ta Kamatayan.

Impadayag 11:8

Sa mga lawa dan diyà dà mangakatayhad ta dalan taena ha nabantug ha banuwa ha duun daan inlansang hu krus sa Ginuu dan. Saena ha banuwa sampitan ta Sodoma daw ta Ehipto.

Impadayag 20:13

Saena ha namamatay diyà ta dagat daw ta bugtà daw ta Hadis nangabanhaw dayun hinukuman sa kada sabuwa sumalà hu binuhat din.

Impadayag 6:8

Sagunà nakahiwal sa kabayu ha mapus-aw ha sa taglulan duun tagngaranan hu Kamatayen daw sa taglupug kandin iyan sa Kamatayan. Inilahan sidan hu kagahem ta daw mahimatayan dan sa ikaepat ha bahin hu kaet-etawan pinaagi hu gira, kauhul, mga dalu ha pakapatay daw hu agpamangagat ha mga kalanggaman.