Mateo 10:32 - Lalang Hu Dios

³² “Bisan sin-u haena sa ag-angken kanak duun hu mga etaw angkenen ku daan duun hu Amay ku diyà ta langit.

Mateo 10:32 Iomraidhean Croise

Mateo 25:34

“Dayun siak sa Harì umikagi a duun hu mga etaw dini dapit ta kawanan ku, ‘Sinyu sa napanalanginan hu Dios ha Amay ku, dini kaw daw dawata en sa pagharì ku inyu ha inandam kud en inyu sugud dà su tanghagaen sa kalibutan.

Lucas 15:10

Ikagiyen ku inyu ha adagi daan sa kalipay hu mga balinsuguen hu Dios tumenged hu sabuwa ha makasasalà ha maghinulsul.”

Juan 9:22

Iyan haena inikagi hu mga laas din ta agkahaldek sidan hu mga agalen hu Judio tumenged ta nauyunan en ku mga agalen ha bisan sin-u sa umikagi ha si Jesus iyan su Misiyas harì gayed ipaseled duun hu simbahan.

2 Timoteo 1:8

Aman harì ka agkagayhà pagpanunultul mahitenged hu Ginuu taw daw harì a daan ikaw ikagayhà sa naprisu tumenged kandin. Ba pinaagi hu bis-ay ha in-ila ikaw hu Dios dawaten nu daan sa mga alantusen tumenged hu pagsangyaw nu hu Maayad ha Tultulanen

1 Juan 4:15

Bisan sin-u sa tag-ikagi ha si Jesus iyan gayed Batà hu Dios saena nakigsabuwa gayed hu Dios.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.

Impadayag 3:5

Saena ha madaeg din sa madaet mapinaksuyan hu maputì daw harì daan mapanas sa ngaran din duun hu libru hu kinabuhì. Angkenen ku haena duun hu atubangan hu Dios ha Amay ku daw duun hu mga balinsuguen din.