Mateo 10:25 - Lalang Hu Dios

²⁵ Ikalipay gayed hu tinudluan ku mailing daan hu tagtudlù kandin, daw ikalipay daan hu suluguen ku mailing hu agalen din. Ku pigngaranan a hu mga etaw ha Yawà ayuwà pa madaet sa ingaran dan inyu sinyu sa mga sakup ku.

Mateo 10:25 Iomraidhean Croise

Mateo 12:24

Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”

Mateo 12:27

Ku laus pa ngaay sa inikagi nuy ha sa gahem ku hu pagbugaw taena ha mga busaw in-ila kanak hi Beelsebul, sin-u diay sa mig-ila hu gahem taena ha mga duma nuy ha tagpamugaw daan hu mga busaw? Pinaagi hu mga buhat dan natun-an taw ha sayep sa tag-ikagiyen nuy.

Mateo 9:34

Ba sa mga Parisiyu minikagi, “Agkabugaw din sa mga busaw pinaagi hu gahem taena ha agalen hu mga busaw.”

Marcos 10:39

Tuminubag sidan, “Hee, maantus day.” Inikagiyan sidan hi Jesus, “Maagiyan nuy gayed sa malegen ha maul-ulahan iling hu kanak

Marcos 3:22

Amin mga manunudlù hu Kasuguan ha nangapuun diyà ta Jerusalem ha tagyanaen, “Tinaguan haini hi Beelsebul sa agalen hu mga busaw aman agkabugaw din sa mga busaw.”

Lucas 11:15

Ba sa duma minikagi, “Agkabugaw din sa mga busaw pinaagi hu gahem hi Beelsebul sa agalen hu mga busaw.”

Lucas 11:18

Aman ku sabaen hi Satanas sa mga sakup din sa ginharian din mabengkag gayed. Kagi nuy ha sa gahem ku hu pagbugaw taena ha mga busaw in-ila kanak hi Beelsebul.

Lucas 11:19

Ku iyan haena sin-u diay sa mig-ila hu gahem taena ha mga duma nuy ha tagpang-abug daan hu mga busaw? Pinaagi hu mga buhat dan natun-an taw ha sayep sa tag-ikagiyen nuy.

Juan 10:20

Madakel kandan sa tag-ikagi, “Agkalibeg en gayed hayana. Imbà kuy tagpaliliman kandin?”

Juan 7:20

Tuminubag haena sa mga etaw, “Agkalibeg ka man gid. Sin-u sa taghenà-henà hu paghimatay ikaw?”

Juan 8:48

Inikagiyan hu mga Judio si Jesus, “Laus gayed sa inikagi day ha taga-Samaria ka daw agkalibeg ka daan.”

Juan 8:52

Su maikagi hi Jesus haena minikagi sidan, “Iman agkatun-an day en gayed ha libeg ka labi. Si Abraham daw sa alan ha mga prupita namamatay en sidan. Imbà nu agkaikagi ha bisan sin-u sa magtuman hu tigtudlù nu harì en gayed matay?