Lucas 9:11 - Lalang Hu Dios

¹¹ Su matun-an haena hu kaet-etawan namanlupug sidan. Nahid-uwan sidan hi Jesus aman tinultulan din sidan mahitenged hu pagharì hu Dios daw naulian din daan sa agkangadaluwan.

Lucas 9:11 Iomraidhean Croise

Mateo 12:15

Tumenged ta natun-an hi Jesus sa agbuhaten hu mga Parisiyu minawà haena diyà. Madakel ha mga etaw sa namanduma kandin daw naulian din sa alan ha agkangadaluwan,

Mateo 14:14

Su kumawas en si Jesus duun ku barutu naahà din sa madakel tungkay ha mga etaw aman nahid-uwan din gayed sidan dayun naulian din sa agkangadaluwan.

Mateo 21:31

“Sin-u man duun taena ha mga batà sa nakatuman hu insugù hu amay dan?” Tuminubag sidan, “Iyan haena sa magulang.” Inikagiyan sidan hi Jesus, “Laus gayed sa ag-ikagiyen ku inyu ha saena ha limbungan ha manunukut hu buhis daw su madaet ha mga bahi iyan mangauna dì inyu ha pagharian hu Dios.

Mateo 21:43

“Aman ikagiyen ku inyu ha kenà kaw iyan pagharian hu Dios ta iyan dà sa mga etaw ha tagtuman hu agkabayaan din.

Lucas 1:53

Sa tagkinahanglan inilahan din ba sa sapian hurà din en ilahi.

Lucas 5:31

Ba tuminubag si Jesus, “Sa harì agkadaluwan harì daan tagpabulung, ba sa agkadaluwan tagkinahanglan hu mamumulung.

Lucas 8:1

Su maiwas haena duminuun si Jesus hu migkalain-lain ha banuwa daw migsangyaw hu Maayad ha Tultulanen mahitenged hu pagharì hu Dios. Namanduma kandin sa sampulù daw daruwa ha tinun-an din

Lucas 8:10

Dayun tuminubag haena, “Sa inlilung su anay mahitenged hu pagharì hu Dios impadayag en inyu. Ba sa duma ha mga etaw inikagiyan ku pinaagi hu mga pananglitan ta daw, ‘Bisan ku mag-ahà sidan ba harì makaindan, daw magpaliliman daan sidan ba harì makasabut.’

Lucas 9:10

Su makalikù en haena sa mga apustulis ha sinugù hi Jesus intultul dan diyà ta kandin sa alan ha nangabuhat dan. Dayun dinuma sidan hi Jesus ha iyan dà sidan payanaen duun ku banuwa ha tagngaranan ta Bethsaida.

Lucas 9:12

Su panday en agkahapun inikagiyan si Jesus hu mga tinun-an din, “Sugua nud en sa mga etaw ha mamanduun sidan hu ubayà ha mga banuwa ta daw makapan-ahà sidan hu agkan-en dan daw hu matidugahan dan ta pinakabulung-bulung haini ha lugar.”

Juan 4:34

Ba inikagiyan sidan hi Jesus, “Sa pagkaen ku iyan sa pagtuman hu agkabayaan taena ha migsugù kanak daw sa pagpenga hu alan ha igpabuhat din.

Juan 6:37

Sa alan ha mga etaw ha in-ila kanak hu Dios ha Amay ku agdini ta kanak, daw saena ha agdini ta kanak harì ku gayed agbugawen.

Mga Buhat 28:31

Diyà intudlù din sa mahitenged hu pagharì hu Dios daw hi Cristo Jesus ha Ginuu daw hurà gayed migbaldeng kandin.

Roma 10:14

Ba in-inuwen man hu mga etaw sa pagpabulig ki Cristo Jesus ku hurà dan pa haena tuuwi? Daw in-inuwen dan man sa pagtuu taena ha hurà dan pa kapaliman? In-inuwen dan man daan sa pagpakapaliman taena ku hurà magpanunultul kandan?

Roma 10:17

Aman sa pagpakatuu hu etaw pinaagi gayed hu pagpaliliman din, daw sa napaliman din tumenged haena hu insangyaw ha Maayad ha Tultulanen mahitenged ki Cristo.

Roma 15:3

Ta bisan si Cristo hurà magbuhat hu nakapalipay kandin ta nakasulat en sa inikagi din duun hu Dios, “Pigpasipalahan a daan taena ha migtameyes ikaw.”

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Hebreo 4:16

Aman harì taw ikagayhà sa pag-ubay duun hu Dios pinaagi hu pag-ampù ta daw mahid-uwan kuy kandin daw ipaahà din kanuy sa grasya din duun hu bisan inu ha panahun ha kinahanglanen taw sa bulig din.