Lucas 7:41 - Lalang Hu Dios

⁴¹ Minikagi si Jesus, “Amin daruwa ha etaw ha suminambay hu salapì duun hu sapian ha etaw, sa sabuwa suminambay hu lalima ha gatus daw sa sabuwa kalimahan dà.

Lucas 7:41 Iomraidhean Croise

Mateo 18:28

“Ba su tag-ulì en haena nasal-aw din su duma din ha suluguen ha nakautang daan diyà ta kandin hu pila dà ha salapì. Pinekel din dayun su suluguen daw ikagiyi, ‘Bayari en su utang nu kanak.’

Mateo 6:12

Pasayluwa kay hu mga salà day ta pinasaylu day daan sa nakasalà dini ta kanay.

Marcos 6:37

Ba bà dà inikagiyi hi Jesus su mga tinun-an din, “Iyan kaw en mag-ila kandan hu pagkaen.” Tuminubag daan sidan, “Igpapalit kay ba ikaw hu supas ha igpakaen kandan ha bali hu pila ha gatus?”

Lucas 11:4

Pasayluwa kay hu mga salà day ta pinasaylu day daan sa nakasalà dini ta kanay, daw ipadiyù kay ikaw hu panulay.’”

Lucas 12:48

Ba sa suluguen ha nakasalà ta hurà din haena katun-i atiyuay dà ha bunal sa silut din. Sa etaw ha madakel sa insalig kandin madakel daan sa tagsalapen diyà ta kandin.

Lucas 13:4

Henhenaa nuy daan su sampulù daw walu ha etaw ha napilayan hu matangkaw ha balay diyà ta Siloe. Abi nuy gid ha makasasalà sidan dì hu duma ha mga etaw ha tagtimà diyà ta Jerusalem.

Lucas 7:40

Ba inikagiyan haena hi Jesus, “Simon, amin ku ag-ikagiyen ikaw.” Tuminubag si Simon, “Manunudlù, inu man?”

Lucas 7:47

Aman ikagiyen ku ikaw ha pinasaylu en sa madakel ha mga salà din ta adagi sa pagpalanggà din kanak. Ba saena ha atiyuay dà sa mga salà din ha napasaylu atiyuay dà daan sa pagpalanggà din.”

Roma 3:23

ta sa alan ha mga etaw nakasalà gayed aman nakadiyù duun hu pagkahimpit hu Dios.

Roma 5:20

In-ila hu Dios sa Kasuguan ta daw matun-an hu mga etaw ku nangkainu sa salà. Ba bisan pa ku makasasalà gayed sa etaw ba sa grasya hu Dios labaw pa gayed dì taena.