Lucas 6:7 - Lalang Hu Dios

⁷ Sa mga manunudlù hu Kasuguan daw sa mga Parisiyu tagpan-ahà hu katarengan ta daw makasumbung dan si Jesus aman binantayan dan ku bulungen din ba haena duun hu Aldaw hu Paghimlay.

Lucas 6:7 Iomraidhean Croise

Mateo 5:39

Ba ikagiyen ku inyu ha harì nuy gayed sukulan sa tagpasipala inyu. Ku amin etaw ha laparuwen din sa kawanan ha pipi nuy ipalaparu daan sa dibaluy.

Marcos 3:2

Sa duma ha mga etaw tagpan-ahà hu katarengan ta daw makasumbung dan si Jesus, aman binantayan dan ku bulungen din ba haena duun hu Aldaw hu Paghimlay.

Lucas 13:14

Ba sa agalen duun taena ha simbahan napauk gayed ta namulung si Jesus duun hu Aldaw hu Paghimlay, aman inikagiyan din sa mga etaw, “Haenem ha aldaw sa intugut hu etaw ha magtrabahu. Dumini kaw taini ha mga aldaw hu pagpabulung kenà duun hu Aldaw hu Paghimlay.”

Lucas 20:20

Binantayan dan haena daw amin daan sinaligan ha iyan maniid hu pagpanginginsà ki Jesus ta tag-angat sidan ha amin din maikagi ha ikasumbung dan kandin ta daw makatugyan dan en si Jesus duun hu gubirnadur.

Juan 9:16

Sa duma ha mga Parisiyu minikagi, “Harì mahimu ha sinugù hu Dios sa agpamulung duun hu Aldaw hu Paghimlay ta saini supak hu Kasuguan.” Ba sa duma tuminubag daan, “Ku masinupaken pa ha etaw harì din ngaay mabuhat sa mga belenganen ha iling taena.” Aman hurà makag-iling sa mga henà-henà dan.