Lucas 6:21 - Lalang Hu Dios

²¹ “Sinyu sa agkangauhul iman, malipayen kaw gayed ta mangabuhì kaw dà. “Sinyu sa taglugul iman, malipayen kaw dà asem.

Lucas 6:21 Iomraidhean Croise

Mateo 5:4

“Malipayen gayed sa tagmagul-anen tumenged hu mga salà dan ta aglipayen sidan hu Dios.

Mateo 5:6

“Malipayen gayed sa tungkay agkangabayà hu pagbuhat hu matareng, ta agbuligan din sidan.

Lucas 1:53

Sa tagkinahanglan inilahan din ba sa sapian hurà din en ilahi.

Lucas 6:20

Sumininalu si Jesus duun hu mga sumusunud din daw ikagi, “Sinyu sa makaluluuy iman, malipayen kaw gayed ta agharian kaw hu Dios.

Lucas 6:22

“Malipayen kaw gayed ku kuntrahen kaw hu mga etaw daw harì kaw en kandan pagsimahen, ku sulaen kaw daan daw tameyesen kaw tumenged kanak siak sa Batà hu Etaw.

Lucas 6:25

“Sinyu sa nangabuhì iman, kahid-u nuy gayed ta mauhul kaw dà asem. “Sinyu sa tagpatawahà iman, kahid-u nuy gayed ta maglugul kaw dà asem.

Juan 11:35

Dayun nakaagalà si Jesus.

Juan 4:10

Ba tuminubag si Jesus, “Ku natun-an nu pa ngaay sa pakaila hu Dios daw ku sin-u a sa tagpanayù diyan ta ikaw hu wahig, iyan ka pa ngaay manayù dini ta kanak daw ilahan ku pa ikaw hu wahig ha makaila hu kinabuhì.”

Juan 6:35

Ba tuminubag si Jesus, “Iyan ad kalan-enen ha pakaila hu kinabuhì ha hurà din katapusan. Saena ha dumini ta kanak harì en gayed mauhul daw saena ha tumuu kanak harì en gayed malauwan.

1 Corinto 4:11

Bisan iman ha panahun agkangauhul daw agkangalauwan kay, hurà day daan mga bisti daw agpasipalahan kay, bà kay dà tagkalaag hu tagtimaan day

2 Corinto 11:27

Napedà-pedaan a daan hu pagtrabahu daw tagkapulangà a, nauhul daw nalauwan a. Mahies ad en harì pakakaen daw agkatinuan a daan ta hurà ku bisti.

2 Corinto 12:10

Igkalipay ku ku maluya a daw ku pagtameyesen a, bisan ku pasipalahan a daw ipaantus a hu mga malegen daw hu mga kasamukan tumenged hu pagsunud ku ki Cristo, ta natun-an ku ha ku maluya a sa gahem hu Dios iyan tagpabis-ay kanak.

2 Corinto 6:10

Bisan ku agkaguul kay ba malipayen kay gihapun. Makaluluuy kay gayed ba madakel sa napanalanginan pinaagi kanay. Hurà day mga butang ba bà su kanay en sa alan.

Santiago 1:12

Malipayen gayed sa etaw ha makaantus hu alan ha pagsulay, ta ku maiwas haena madawat din sa bales ha iyan sa kinabuhì ha hurà din katapusan ha insaad hu Dios duun hu mga etaw ha tagpalanggà kandin.

Impadayag 21:3

Daw napaliman ku sa madaging ha lageng ha napuun duun hu trunu ha tagyanaen, “Iman sa Dios umamul hu kaet-etawan. Mabuhat en sidan ha mga etaw din daw iyan en daan Dios dan.

Impadayag 7:16

Harì en gayed sidan mauhul, harì en daan sidan malauwan, harì en daan sidan masunug hu aldaw daw bisan inu ha mapasù,