Lucas 6:13 - Lalang Hu Dios

¹³ Su maselem en inamul-amul din sa mga sumusunud din, dayun pinilì din sa sampulù daw daruwa daw pigngaranan din sidan ha mga apustulis.

Lucas 6:13 Iomraidhean Croise

Mateo 10:2

Iyan haini ngaran taena ha sampulù daw daruwa ha apustulis ha sinugù hi Jesus, si Simon ha tagngaranan daan ki Pedro daw si Andres sa suled din, si Santiago daw si Juan sa mga batà hi Zebedeo,

Mateo 19:28

Inikagiyan sidan hi Jesus, “Laus gayed sa ag-ikagiyen ku inyu ha umuma sa panahun ha bag-uwen sa alan daw siak sa Batà hu Etaw minuu a duun hu trunu. Sinyu sa sampulù daw daruwa ha mga tinun-an makapinuu kaw daan duun hu mga trunu daw pagharian nuy haena sa sampulù daw daruwa ha kaliwatan hi Israel.

Mateo 9:36

Su maahà din sa kaet-etawan nahid-uwan din gayed sidan ta agkailing sidan hu mga karniru ha agkangasamuk daw tagkangalaag ta hurà duun magbalantay.

Marcos 6:30

Su maisab maamul-amul sa mga apustulis ha sinugù hi Jesus intultul dan diyà ta kandin sa alan ha nangabuhat daw sa intudlù dan.

Marcos 6:7

Inamul din su sampulù daw daruwa ha tinun-an, dayun sinugù din sidan hu tigdaruwa daw pinagaheman din sidan hu pagbugaw hu mga busaw ha tuminagù duun hu mga etaw.

Lucas 11:49

Tumenged taena sa Dios mig-ikagi, ‘Agsuguen ku sa mga prupita daw mga apustulis ba himatayan dan sa duma taena daw sa duma pasipalahan dan.’

Lucas 22:30

Ku magharì a asem makigsalu kaw kanak daw paharian ku inyu sa sampulù daw daruwa ha kaliwatan hi Israel.”

Lucas 6:14

Saena iyan si Simon ha pigngaranan din ki Pedro, si Andres sa suled din, si Santiago daw si Juan, si Felipe daw si Bartolome,

Juan 4:33

Aman migpainsaay sa mga tinun-an din, “Amin gid mig-ila kandin hu kalan-enen.”

Mga Buhat 1:13

Su makauma sidan diyà namanlatun sidan payanaen duun ku kuwartu diyà ta sampaw taena ha balay ha taghulabungan dan. Iyan haena si Pedro daw si Juan, si Santiago daw si Andres, si Felipe daw si Tomas, si Bartolome daw si Mateo, si Santiago ha batà hi Alfeo, si Simon sa Patriyuta daw si Judas ha batà hi Santiago.

Efeso 2:20

Iling kaw hu balay ha tinukud duun hu batu ha iyan si Cristo Jesus, sa insangyaw hu mga apustulis daw hu mga prupita.

Efeso 4:11

Sa katatau ha in-ila din iyan haini. Sa duma binuhat din ha apustulis daw sa duma pakasaysay hu igpaikagi hu Dios. Sa duma tagsangyaw hu Maayad ha Tultulanen, sa duma agalen hu mga tumutuu daw amin daan manunudlù.

Hebreo 3:1

Mga suled sinyu sa hinimu daan hu Dios ha mga etaw din, henhenaa nuy gayed si Jesus sa apustul ha sinugù hu Dios daw nabuhat ha tungkay labaw ha sinaligan hu mga etaw duun hu Dios sumalà hu tinuuwan taw.

2 Pedro 3:2

Agkabayaan ku ha harì nuy lipatan sa inikagi hu mga prupita daw sa mga kasuguan hi Cristo Jesus ha Ginuu daw Manluluwas taw ha intudlù day inyu sikay sa mga apustulis.

Impadayag 12:1

Nakahiwal diyà ta langit sa gamhanan daw belenganen ha timaan. Amin bahi ha napinaksuyan hu aldaw daw sa bulan na diyà ta paa din. Nasuupan daan sa ulu din hu kuruna ha amin duun sampulù daw daruwa ha bituen.

Impadayag 18:20

Sinyu sa tagtimà diyan ta langit, magmalipayen kaw ta nadaetan en haena sa banuwa. Sinyu sa mga etaw hu Dios daw mga apustulis daw mga prupita, magmalipayen kaw ta sinilutan en gayed haena hu Dios tumenged hu binuhat din inyu.

Impadayag 21:14

daw saena ha kutà duun nakaluntud hu sampulù daw daruwa ha batu. Saena ha mga batu sinulatan daan hu mga ngaran ku sampulù daw daruwa ha apustulis taena ha Nati ha Karniru.