Lucas 5:30 - Lalang Hu Dios

³⁰ Ba sa mga Parisiyu daw sa mga sakup dan ha manunudlù hu Kasuguan migtamudmud duun hu mga tinun-an hi Jesus ha tagyanaen, “Imbà kaw pakigsalu hu mga limbungan ha mga manunukut hu buhis daw hu mga masinupaken?”

Lucas 5:30 Iomraidhean Croise

Mateo 5:46

Harì nuy aghenhenaa ha balesan kaw hu Dios ku iyan dà palanggaen nuy sa tagpalanggà daan inyu, ta bisan sa mga limbungan ha manunukut hu buhis tagbuhaten dan daan haena.

Mateo 9:11

Su maahà haena hu mga Parisiyu nanginginsà sidan duun hu mga tinun-an hi Jesus, “Imbà sa Manunudlù nuy pakigsalu ku mga limbungan ha manunukut hu buhis daw hu mga masinupaken?”

Marcos 2:16

Su maahà hu mga manunudlù hu Kasuguan ha sakup hu mga Parisiyu ha si Jesus nakigsalu hu mga masinupaken daw hu mga manunukut hu buhis, ininsaan dan su mga tinun-an, “Imbà hayana pakigsalu hu mga limbungan ha manunukut hu buhis daw hu mga masinupaken?”

Marcos 7:3

Sa mga Parisiyu daw sa alan ha mga Judio harì gayed agkaen ku harì pa sidan makapangenaw ta alima dan sumalà hu tulumanen dan ha imbilin hu mga gin-apuan dan.

Marcos 9:16

Dayun ininsaan hi Jesus su mga tinun-an din, “Inu man sa pigsawalaan nuy taena ha mga manunudlù hu Kasuguan?”

Lucas 18:11

Saena ha Parisiyu mig-ampù ha tagyanaen, ‘Dios ha Magbabayà hu alan, tagpasalamatan ku ikaw ta harì a agkailing hu duma ha mga etaw ha agpanlimbung daw kenà matareng daw mananapaw, daw kenà a daan iling taini ha manunukut hu buhis.

Lucas 19:7

Sa alan ha mga etaw ha nakaahà taena migtamudmud ha tagyanaen, “Imbà haini seled duun hu balay hu makasasalà?”

Lucas 5:17

Amin aldaw ha su tagpanudlù si Jesus amin daan tagpinuu ha mga Parisiyu daw mga manunudlù hu Kasuguan ha napuun duun hu alan ha mga banuwa ha sakup ta Galilea, Judea daw diyà daan ta Jerusalem. Si Jesus ginaheman hu Dios ta daw maulian din sa agkangadaluwan.

Lucas 5:21

Sa mga manunudlù hu Kasuguan daw sa mga Parisiyu nakahenà-henà, “Sin-u man haini sa tagtameyes hu Dios? Ta iyan dà gayed sa Dios makapasaylu hu salà.”

Lucas 7:34

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha mga manunukut hu buhis daw mga masinupaken.’

Lucas 7:39

Su maahà haena ku Parisiyu ha mig-imbita ki Jesus nakahenà-henà haena, “Ku laus pa haini ha prupita matun-an din en ngaay ha makasasalà gayed haini sa bahi ha mig-ibit kandin.”

Mga Buhat 23:9

Migpadasangà sidan hu pagsawalà dayun amin mga manunudlù hu Kasuguan ha mga sakup hu Parisiyu ha namanhitindeg daw paman-ikagi, “Hurà day naahà ha salà taini ha etaw. Madaet ba diay ku amin ispiritu daw ku balinsuguen hu Dios ha nakiglalang kandin?”