Lucas 23:5 - Lalang Hu Dios

⁵ Ba bà dà sidan nasì nangatarengan ha tagyanaen, “Iyan haini migsinamuk duun hu mga etaw pinaagi hu pagtudlù din kandan sugud ta Galilea dayun duun hu mga banuwa ta Judea daw bisan iman dini ta Jerusalem.”

Lucas 23:5 Iomraidhean Croise

Mateo 11:1

Su makapenga en si Jesus hu mga panugun din duun taena ha sampulù daw daruwa ha tinun-an din duminuun dayun hu nakag-uubayà ha banuwa daw panudlù.

Mateo 2:1

Si Jesus diyà imbatà ta Bethlehem ha sakup ta Judea su panahun ha iyan pa harì diyà si Herodes. Hurà tungkay kalugay nakauma diyà ta Jerusalem sa mga etaw ha mga matatau ha napuun diyà ta sinibwalan.

Mateo 27:24

Su matun-an hi Pilato ha hurà en pulus hu pag-ikagiyà din ta agkagubut en sa mga etaw tuminimù haena hu wahig daw henawi sa alima din duun hu atubangan taena ha mga etaw hu kagi din, “Inyu en haini ha salà aman sa langesa taini ha etaw diyan en ta alima nuy ta nangenaw ad en hu kanak.”

Mateo 4:23

Nalekep hi Jesus sa alan ha banuwa ha sakup ta Galilea. Duun hu mga simbahan hu mga Judio migtudlù si Jesus hu Maayad ha Tultulanen mahitenged hu pagharì hu Dios daw naulian din daan sa alan ha mga dalu hu mga etaw.

Marcos 1:14

Su maprisu en si Juan luminikù si Jesus diyà ta prubinsya ta Galilea daw migsangyaw hu Maayad ha Tultulanen ha napuun duun hu Dios

Lucas 11:53

Su umawà en si Jesus duun taena ha balay su mga manunudlù hu Kasuguan daw sa mga Parisiyu nakigsawalà gayed kandin daw nanginginsà sidan

Lucas 23:23

Ba bà dà nasì migkulahiay sa mga etaw ha ilansang gayed si Jesus duun hu krus hangtud ha nakaghagteng si Pilato.

Lucas 23:6

Su mapaliman haena hi Pilato nanginginsà ku taga-Galilea si Jesus.

Juan 1:43

Su maisab ha aldaw nahenhenaan hi Jesus ha dumiyà ta prubinsya ta Galilea. Inelegan din si Felipe daw ikagiyi, “Dumuma ka kanak.”

Juan 19:15

Ba sa kaet-etawan namangulahì, “Pahimatayi hayana. Ilansang en duun hu krus.” Minikagi si Pilato, “Imbà nuy igpalansang duun hu krus sa Harì nuy?” Tuminubag sa mga labaw ha sinaligan hu paghalad, “Iyan dà Harì day si Cesar.”

Juan 2:11

Saena ha binuhat hi Jesus diyà ta Cana ha sakup ta Galilea iyan nauna ha belenganen ha binuhat din. Pinaagi taena nakapaahà din sa pagkagamhanan din aman nakatuu kandin sa mga tinun-an din.

Juan 7:41

Sa duma minikagi, “Iyan en haena su Misiyas.” Ba sa duma minikagi daan, “Kenà ta harì mahimu ha diyà kapuun sa Misiyas ta Galilea

Juan 7:52

Ba tuminubag sa mga duma din ha Parisiyu, “Taga-Galilea ka ba diay daan? Susiya nu sa lalang hu Dios ta daw matun-an nu ha hurà prupita ha diyà agkapuun ta Galilea.”

Mga Buhat 10:37

Su maiwas sa pagtudlù hi Juan mahitenged hu bautismu natun-an nuy en sa nahitabù diyà ta Judea sugud diyà ta Galilea

Mga Buhat 23:10

Bà dà tungkay mig-iseg sa pagsawalà dan aman sa labaw ha kapitan hu sundalu nahaldek ku paghihigbiten hu mga etaw si Pablo. Sinugù din sa mga sundalu ha agawen dan si Pablo duun taena ha mga etaw daw uwita diyà ta kampu.

Mga Buhat 5:33

Su mapaliman haena ku mga labaw ha agalen nangapauk gayed sidan, aman agkabayaan dan en aghimatayi su mga apustulis.

Mga Buhat 7:54

Su mapaliman haena ku mga agalen hu mga Judio nangapauk gayed sidan ha migkakangget sa mga ngipen dan.

Mga Buhat 7:57

Ba dinap-en ku mga agalen sa mga talinga dan daw pamangulahì. Dayun migdengan sidan hu pagdakep kandin