Lucas 23:4 - Lalang Hu Dios

⁴ Inikagiyan dayun hi Pilato sa mga labaw ha sinaligan hu paghalad daw sa kaet-etawan, “Hurà ku naahà ha salà taini ha etaw.”

Lucas 23:4 Iomraidhean Croise

Mateo 27:19

Su duun en si Pilato taena ha pinun-ayà hu maghuhukum nakauma daan sa sulat hu asawa din ha tagyanaen, “Harì ka maglabet-labet taini ha etaw ha hurà din salà ta ganina ha daleman mig-antus a hu damugu ku mahitenged kandin.”

Marcos 15:14

Ba minikagi si Pilato, “Imbà nuy igpalansang hayana? Inu diay sa nabuhat din ha madaet?” Ba bà dà nasì uminiseg sa kulahì hu mga etaw, “Ilansang hayana.”

Lucas 23:22

Dayun ininsaan din sidan hu ikatulu, “Imbà nuy igpalansang hayana? Inu diay sa nabuhat din ha madaet? Ta hurà ku gayed naahà ha salà din ha angayan ha silutan hu kamatayen. Aman bà ku dà hayana agpalagkuti daw ipaguwà.”

Juan 18:38

Ba minikagi si Pilato, “Inu en paman hayana ha kamatuuran?” Dayun sagunà guminuwà si Pilato daw inikagiyan din sa mga Judio, “Hurà ku naahà ha salà din ha angay hukuman.

Mga Buhat 25:25

Ba nasusi ku ha hurà taini salà ha angayan hu kamatayen. Tumenged ta huminangyù haini ha iyan en magbistiga kandin sa Harì ta Roma igpauwit ku haini diyà.

Mga Buhat 3:13

Sa Dios ha iyan tagsimbahen hi Abraham, hi Isaac daw hi Jacob sa mga gin-apuan taw migdayè ki Jesus ha sinugù din. Intugyan nuy si Jesus duun hu mga agalen daw pigtameyes nuy daan duun hu atubangan hi Pilato bisan su igpaawà en ngaay haena hi Pilato.

Hebreo 7:26

Si Jesus iyan tungkay labaw ha sinaligan hu paghalad ha tagkinahanglanen taw gayed ta himpit daw hurà makasaway kandin tumenged ta kenà iling hu etaw ha makasasalà daw impatangkaw haini labaw hu alan.

1 Pedro 1:19

ba iyan sa tungkay gayed mahal. Saena iyan si Cristo sa migpaagas hu langesa din ha inhalad iling hu nati hu karniru ha hurà gayed madaet duun.

1 Pedro 2:22

Saena hurà gayed makasalà daw hurà daan magbidù.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu