Lucas 23:22 - Lalang Hu Dios

²² Dayun ininsaan din sidan hu ikatulu, “Imbà nuy igpalansang hayana? Inu diay sa nabuhat din ha madaet? Ta hurà ku gayed naahà ha salà din ha angayan ha silutan hu kamatayen. Aman bà ku dà hayana agpalagkuti daw ipaguwà.”

Lucas 23:22 Iomraidhean Croise

Lucas 23:14

daw inikagiyan din sidan, “Inuwit nuy haini sa etaw dini ta kanak ta kagi nuy ha agdasigen din sa mga etaw hu pagsupak hu gubirnu. Binistiga ku haini duun hu atubangan nuy ba hurà ku naahà ha salà din,

Lucas 23:16

Aman agpalagkutan ku iman daw ipaguwà.”

Lucas 23:20

Iyan ngaay aglibriyen hi Pilato si Jesus aman ininsaan din dà sa mga etaw ku inu sa kandan ha agkabayaan.

Lucas 23:21

Ba bà dà sidan nasì migkulahiay ha tagyanaen, “Ilansang hayana duun hu krus.”

Lucas 23:23

Ba bà dà nasì migkulahiay sa mga etaw ha ilansang gayed si Jesus duun hu krus hangtud ha nakaghagteng si Pilato.

Lucas 23:4

Inikagiyan dayun hi Pilato sa mga labaw ha sinaligan hu paghalad daw sa kaet-etawan, “Hurà ku naahà ha salà taini ha etaw.”

1 Pedro 1:19

ba iyan sa tungkay gayed mahal. Saena iyan si Cristo sa migpaagas hu langesa din ha inhalad iling hu nati hu karniru ha hurà gayed madaet duun.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu