Lucas 23:14 - Lalang Hu Dios

¹⁴ daw inikagiyan din sidan, “Inuwit nuy haini sa etaw dini ta kanak ta kagi nuy ha agdasigen din sa mga etaw hu pagsupak hu gubirnu. Binistiga ku haini duun hu atubangan nuy ba hurà ku naahà ha salà din,

Lucas 23:14 Iomraidhean Croise

Mateo 27:19

Su duun en si Pilato taena ha pinun-ayà hu maghuhukum nakauma daan sa sulat hu asawa din ha tagyanaen, “Harì ka maglabet-labet taini ha etaw ha hurà din salà ta ganina ha daleman mig-antus a hu damugu ku mahitenged kandin.”

Mateo 27:24

Su matun-an hi Pilato ha hurà en pulus hu pag-ikagiyà din ta agkagubut en sa mga etaw tuminimù haena hu wahig daw henawi sa alima din duun hu atubangan taena ha mga etaw hu kagi din, “Inyu en haini ha salà aman sa langesa taini ha etaw diyan en ta alima nuy ta nangenaw ad en hu kanak.”

Mateo 27:4

daw minikagi, “Nakasalà a gayed ta piglimbungan ku sa etaw ha hurà din salà.” Ba saena ha mga agalen tuminubag, “Hurà day en labet ta ikaw dà hayana ha kasamuk.”

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Mga Buhat 13:28

Bisan pa ku hurà dan naahà ha salà taena ha angayan hu kamatayen ba hinangyù dan diyà ki Pilato ha pahimatayan din.

Mga Buhat 17:11

Matareng gayed sa mga Judio diyà dì hu mga Judio diyà ta Tesalonica ta agkabayaan dan gayed agpalilimani sa lalang hu Dios. Kada aldaw tagsusi sidan hu insulat ha lalang hu Dios ta daw matun-an dan ku laus ba gayed sa tigtudlù hi Pablo.

Hebreo 7:26

Si Jesus iyan tungkay labaw ha sinaligan hu paghalad ha tagkinahanglanen taw gayed ta himpit daw hurà makasaway kandin tumenged ta kenà iling hu etaw ha makasasalà daw impatangkaw haini labaw hu alan.