Lucas 21:16 - Lalang Hu Dios

¹⁶ Bisan sa mga laas daw sa mga suled nuy, sa mga kadumahan daw sa mga amigu nuy itugyan kaw kandan daw sa duma daan inyu himatayan dan.

Lucas 21:16 Iomraidhean Croise

Mateo 10:21

“Duun taena ha panahun itugyan hu etaw sa suled din ta daw mapatay daw itugyan daan hu amay sa batà din. Sa mga batà sumukul hu mga laas dan daw pahimatayan dan daan.

Marcos 13:12

“Duun taena ha panahun itugyan hu etaw sa suled din ta daw mapatay daw itugyan daan hu amay sa batà din. Sa mga batà sumukul hu mga laas dan daw pahimatayan dan daan.

Lucas 12:53

Sa amay makigsabà hu batà din ha maama daw sa batà din ha maama sumukul daan kandin. Sa inay makigsabà hu batà din ha bahi daw sa batà din ha bahi sumukul daan kandin. Iling hu ugang ha bahi magsabà sidan hu lagambay din.”

Lucas 21:15

ta agtudluan ku asem inyu hu ipanubag nuy daw ag-ilahan ku inyu hu katatau ta daw harì kaw madaeg hu mga kuntra nuy.

Lucas 21:17

Kuntrahen kaw hu kaet-etawan tumenged kanak.

Mga Buhat 12:2

Pinapungulan din si Santiago sa suled hi Juan pinaagi hu ispada.

Mga Buhat 7:59

Su tagbatuwen dan en si Esteban mig-ampù haena ha tagyanaen, “Jesus ha Ginuu ku, dawata nu sa ispiritu ku.”

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.

Impadayag 6:9

Su maawà en hu Nati ha Karniru su ikalima ha timaan taena ha balasahen naahà ku duun hu sileb taena ha halaran sa mga gimukud hu mga etaw ha pinanhimatayan tumenged ta matinumanen sidan hu pagpanunultul hu lalang hu Dios.