Lucas 21:12 - Lalang Hu Dios

¹² “Ba sa harì pa haena mahitabù dakepen daw pasipalahan kaw. Itugyan kaw daan kandan duun hu maghukum inyu duun hu mga simbahan daw maprisu kaw. Ipaatubang kaw daan duun hu mga harì daw hu mga gubirnadur tumenged hu pagtuu nuy kanak.

Lucas 21:12 Iomraidhean Croise

Mateo 22:6

Sa duma kandan bà dan dà pinan-ibiti su mga suluguen ku harì daw pagagayhai dayun panhimatayi.

Mateo 24:8

Saini ha mga hitabù puunaan pa hu mga kasakitan.

Lucas 21:11

Maglinug hu mabis-ay daw makauma daan sa kauhul daw sa mga dalu ha pakapatay duun hu migkalain-lain ha lugar, daw amin daan maahà diyà ta langit ha pinakahaluhaldek ha mga timaan.

Juan 15:20

Timan-i nuy sa inikagi kud en inyu ha sa suluguen kenà labaw dì hu agalen. Ku pinasipalahan a kandan pasipalahan kaw daan kandan. Ku tinuman dan sa intudlù ku kandan tumanen dan daan sa inyu.

Juan 15:21

Pasipalahan kaw gayed kandan tumenged ta mga etaw ku inyu daw hurà dan kakilala sa Amay ku ha migsugù kanak.

Mga Buhat 22:30

Agkabayaan gayed taena ha labaw ha kapitan hu sundalu ha matun-an din ku imbà isumbung si Pablo hu mga Judio, aman duun hu isab ha aldaw inamul din sa mga labaw ha sinaligan hu paghalad daw sa alan ha mga labaw ha agalen hu mga Judio. Dayun pinahukadan din si Pablo daw ipaatubang kandan.

Mga Buhat 5:40

Aman tuminuu sidan ki Gamaliel. Su ipaisab dan ipaatubang diyà ta kandan su mga apustulis daw palagkuti binalaudan dan ha harì en sidan manunultul mahitenged ki Jesus dayun impaguwà sidan.

Mga Buhat 8:3

Ba si Saulo pinasipalahan din gayed sa mga tumutuu. Pinanlatunan din sa kada balay daw pandakepa sa mga maama daw sa mga bahi dayun impaprisu din sidan.

Mga Buhat 9:4

Aman naligid haena diyà ta bugtà dayun napaliman din sa lageng ha tagyanaen, “Saulo, imbà a man ikaw tagpasipalahi?”

1 Pedro 2:13

Magmatinumanen kaw gayed hu alan ha mga panggubirnuhan ta daw harì matameyes sa ngaran hu Ginuu. Tumanen nuy sa sugù hu harì

Impadayag 2:10

Harì kaw gayed mahaldek hu malegen ha ipaantus inyu hu harì en malugay ta ipaprisu hi Satanas sa duma inyu ta daw masulayan sa pagtuu nuy, daw malegen gayed sa alantusen duun hu sampulù ha aldaw. Magmatinumanen kaw gayed kanak bisan duun hu kamatayen ta ag-ilahan ku inyu kinabuhì ha hurà din katapusan ha iyan bales inyu hu pagpakadaeg nuy.