Lucas 19:47 - Lalang Hu Dios

⁴⁷ Si Jesus aldaw-aldaw migtudlù duun hu Timplu. Ba sa mga labaw ha sinaligan hu paghalad daw sa mga manunudlù hu Kasuguan daw sa duma ha mga agalen nan-ahà hu paagi ha mapatay dan si Jesus,

Lucas 19:47 Iomraidhean Croise

Mateo 21:23

Sumineled si Jesus diyà ta Timplu daw su tagpanudlù en duminiyà ta kandin sa mga labaw ha sinaligan hu paghalad daw sa mga magulang. Ininsaan dan haena, “Inu sa katenged nu daw sin-u sa mig-ila ikaw hu kagahem hu pagbuhat taena?”

Mateo 26:55

Dayun inikagiyan hi Jesus su mga etaw, “Agalen a ba hu mga tulisan imbà kaw tag-uuwit hu mga ispada daw mga bunal hu pagdakep kanak? Aldaw-aldaw migpinuu a diyà ta Timplu daw nanudlù, imbà a hurà inyu dakepa diyà?

Marcos 11:18

Su mapaliman haena hu mga labaw ha sinaligan hu paghalad daw hu mga manunudlù hu Kasuguan, nan-ahà sidan hu paagi ha mapatay dan si Jesus ta agkahaldekan dan haena tumenged ta nangabeleng gayed sa kaet-etawan hu katudluanan din.

Marcos 12:12

Dayun nan-ahà sa mga agalen hu paagi hu pagdakep ki Jesus ta natun-an dan ha iyan en sidan tagsubayen ku sanglitanan. Ba nahaldek daan sidan hu kaet-etawan aman inawaan dan haena.

Marcos 14:1

Su daruwa dà paman ha aldaw na iyan en sa pagsaulug hu Aldaw hu Paglabay daw hu Pagkaen hu Supas ha Hurà Duun Igpatulin, sa mga labaw ha sinaligan hu paghalad daw sa mga manunudlù hu Kasuguan nan-ahà hu paagi hu pagdakep ki Jesus ha harì matun-an hu mga etaw ta daw mapatay dan. Ba minikagi sidan,

Marcos 14:49

Aldaw-aldaw nanudlù a inyu diyà ta Timplu ba hurà a inyu dakepa. Ba saena nahitabù ta daw matuman sa insulat ha lalang hu Dios.”

Lucas 19:48

ba harì dan pa haena agkahimu ta sa mga etaw agkabayà-bayà gayed tagpaliliman hu pagtudlù din.

Lucas 20:19

Sa mga manunudlù hu Kasuguan daw sa mga labaw ha sinaligan hu paghalad nan-ahà hu paagi ha madakep dan en gayed si Jesus ta natun-an dan ha iyan sidan tagsubayen ku pananglitan din, ba nahaldek daan sidan hu mga etaw.

Juan 10:39

Tumenged taena agdakepen dan en paman ngaay si Jesus ba uminawà haena diyà ta kandan.

Juan 18:20

Tuminubag si Jesus, “Impapaliman ku hu kaet-etawan sa katudluanan ku ta duun a man ganì migtudlù hu mga simbahan daw hu Timplu ha duun daan tagkaamul-amul sa kaet-etawan aman hurà gayed nakaheles ha mga lalang ku.

Juan 7:19

Si Moises mig-ila inyu hu Kasuguan ba hurà bisan sabuwa inyu ha tagtuman taena. Ta ku tagtuman kaw pa hu Kasuguan harì nuy ngaay mahenhenaan ha himatayan a inyu.”

Juan 7:44

Sa duma kandan agkabayà en ngaay ha dakepen si Jesus ba harì dan haena agkahimu.