Lucas 19:27 - Lalang Hu Dios

²⁷ Ba sa mga sakup ku ha migsabà kanak daw harì agkabayà ha iyan a magharì kandan uwita dini ta atubangan ku daw panhimatayi.’”

Lucas 19:27 Iomraidhean Croise

Mateo 22:7

Su matun-an haena ku harì tungkay gayed napauk, aman pinaelegan din hu mga sundalu haena sa nangimatay ku mga suluguen din daw mahimatayan daan sidan dayun pigbigsulan dan daan haena sa banuwa.

Lucas 19:14

“Ba amin mga sakup din ha agsabà kandin aman su humipanaw haena pinalupugan dan hu mga sinugù sa tag-ila kandin hu gahem hu pagkaharì ta daw maikagiyan ha harì dan haena agkabayaan sa etaw ku iyan magharì kandan.

Lucas 20:16

Elegan din gayed sidan daw panhimatayi daan dayun su parasan paalimahan din hu lain ha mga sinaligan.” Su mapaliman haena hu mga etaw minikagi sidan, “Harì ngaay hayana mahitabù.”

Lucas 21:22

Ta iyan en haini panahun ha silutan hu Dios sa mga kaet-etawan ta daw matuman sa insulat ha lalang din.

Lucas 21:24

Sa duma mangamatay pinaagi hu ispada daw sa duma mabihag duun hu mga madiyù ha nasud. Sa Jerusalem takunaan hu kenà mga Judio taman ha mauma sa panahun ha matuman sa tagnà mahitenged kandan.

Hebreo 10:13

daw tag-angat iman hangtud ha madaeg hu Dios sa mga kuntra din.