Lucas 13:16 - Lalang Hu Dios

¹⁶ Saini ha bahi ha kaliwat hi Abraham binakus hi Satanas seled hu sampulù en daw walu ha tuig, aman harì ba diay mahimu ha hukaden haini duun hu Aldaw hu Paghimlay?”

Lucas 13:16 Iomraidhean Croise

Mateo 4:10

Ba si Jesus tuminubag, “Awà ka dini ta kanak, Satanas, ta sa lalang hu Dios nakasulat en ha tagyanaen, ‘Iyan dà sa Dios ha Magbabayà hu alan angayan ha simbahen daw alagaran.’”

Marcos 2:27

Dayun inikagiyan sidan hi Jesus, “Mahinengdanen gayed sa etaw dì hu Kasuguan ta sa Aldaw hu Paghimlay intagana hu Dios ha makapaayad hu etaw.

Lucas 16:24

Aman nangumaw haena, ‘Amay ku ha Abraham, kahid-uwi a ikaw daw sugua si Lazaro ha iteleb din sa tuldù din duun hu wahig daw ipatulù ta bàbà ku ta tag-antus a gayed dini taini ha hapuy.’

Lucas 19:9

Inikagiyan haena hi Jesus, “Iman ha aldaw sikaw daw sa pamilya nu maluwas en ta iyan kaw laus ha mga kaliwat hi Abraham.

Lucas 3:8

Ku laus ha mighinulsul kaw en hu mga salà nuy ipaahà nuy haena pinaagi hu maayad ha buhat. Harì kaw magsalig ha mga kaliwatan kaw hi Abraham ta ikagiyen ku inyu ha mahimu hu Dios buhata haini sa mga batu ha kaliwatan daan hi Abraham.

Juan 8:44

Sa amay nuy iyan si Satanas aman agkabayaan nuy agtumana sa kandin ha pagbayà. Sugud dà su anay talamunù en si Satanas. Hurà din labet hu kamatuuran daw pulus en bidù sa tagsubayen din. Iyan en kinaiya din sa biduen daw diyà agkapuun ta kandin sa alan ha mga bidù.

Mga Buhat 13:26

“Mga suled ku ha kaliwat hi Abraham daw sinyu daan sa alan ha matinahuren hu Dios, iyan kuy pinauwitan hu Maayad ha Tultulanen mahitenged hu igkaluwas taw.

2 Timoteo 2:26

daw makaawà sidan duun taena ha lit-ag hi Satanas ha iyan mig-ulipen kandan pagbuhat hu agkabayaan din.