Lucas 12:5 - Lalang Hu Dios

⁵ Ba iyan nuy kahaldeki sa Dios ha makapatay hu lawa nuy daw makapaagbul pa inyu diyà ta Impirnu.

Lucas 12:5 Iomraidhean Croise

Mateo 10:28

Harì nuy agkahaldeki sa iyan din dà agkapatay sa lawa, ba harì din mapatay sa gimukud nuy. Ba iyan nuy kahaldeki sa Dios ha makapaagbul hu lawa daw hu gimukud nuy diyà ta Impirnu.

Mateo 25:41

“Dayun ikagiyan ku daan sa mga etaw ha dini dapit ta gibang ku, ‘Sinyu sa hinukuman en hu Dios, paman-awà kaw dini daw duun kaw hu hapuy ha harì en gayed agkapedengan ha intagana ki Satanas daw hu mga ginsakupan din.

Mateo 25:46

“Dayun saena ha mga etaw ilambeg diyà ta Impirnu daw silutan hu hurà din katapusan, ba sa matareng mailahan hu kinabuhì ha hurà din katapusan.”

Mateo 5:22

Ba ikagiyen ku inyu ha bisan sin-u sa bà din dà agkapauki sa duma din mahukuman en daan haena hu silut. Sa tagpaamaniyan din sa duma din makapanubag duun hu alan ha mga labaw ha agalen. Daw bisan sin-u sa mag-ikagi duun hu duma din, ‘Buang-buang ka’ saena ha tag-ikagi taghipanaw duun hu dalan payanaen ta Impirnu.

Marcos 13:23

Aman magbantay kaw gayed ta daan kud en haini inikagi inyu.

1 Tesalonica 4:6

Kinahanglan ha hurà inyu gumiek hu katenged hu suled nuy duun hu igbahi din ta inikagi day en inyu su anay ha sa tagbuhat taena silutan gayed hu Dios.

Hebreo 10:31

Pinakahaluhaldek gayed sa paghukum hu Dios ha bubuhay.

2 Pedro 2:4

Ta bisan sa mga balinsuguen hu Dios ha nakasalà su anay hurà bà dà ipatayà hu Dios ba inlambeg sidan duun hu tungkay gayed madalem ha bitu. Didiyà pa iman sidan ha kinadinahan duun hu kasukileman ha tag-angat hu Aldaw hu Paghukum.

Impadayag 14:7

Minikagi haena hu madaging, “Tahura nuy gayed sa Dios daw dayea sa pagkagamhanan din ta nakauma en sa panahun ha hukuman din sa alan ha kaet-etawan. Simbaha nuy sa Dios ha iyan migtanghagà hu langit, bugtà, dagat daw hu mga tuburan.”

Impadayag 15:4

Talahuren ka hu alan ha mga etaw daw dayeen sa pagkagamhanan nu ta iyan ka dà gayed balaan. Agsimbahen ka hu alan ha kaet-etawan ta naahà dan sa mga buhat nu ha matareng.”

Impadayag 20:14

Sa kamatayen daw sa banuwa ta Hadis inlambeg en duun hu linaw ha tagkalegdeg, saena iyan en ikaduwa ha kamatayen.