Lucas 11:49 - Lalang Hu Dios

⁴⁹ Tumenged taena sa Dios mig-ikagi, ‘Agsuguen ku sa mga prupita daw mga apustulis ba himatayan dan sa duma taena daw sa duma pasipalahan dan.’

Lucas 11:49 Iomraidhean Croise

Mateo 22:6

Sa duma kandan bà dan dà pinan-ibiti su mga suluguen ku harì daw pagagayhai dayun panhimatayi.

Lucas 11:48

Aman laus diay ha nabayà-bayaan nuy sa binuhat hu mga gin-apuan nuy ta pinanhimatayan dan sa mga prupita ba iyan kaw migbuhat hu madagway ha lebeng.

Lucas 24:47

Aman agsuguen ku inyu ha isangyaw nuy duun hu kaet-etawan sugud ta Jerusalem payanaen hu alan ha mga nasud ha ku maghinulsul sidan mapasaylu gayed sa mga salà dan.

Juan 16:2

Ta abugen kaw gayed kandan puun ta simbahan daw makauma daan sa panahun ha abi hu maghimatay inyu ha malipay sa Dios taena.

Mga Buhat 1:8

Ba gaheman kaw hu Dios ku maulinan kaw en hu Balaan ha Ispiritu daw iyan kaw gayed makapanunultul mahitenged kanak dini ta Jerusalem daw duun hu alan ha banuwa diyà ta Judea daw ta Samaria daw dini ta tibuuk ha kalibutan.”

Mga Buhat 11:27

Duun taena ha panahun amin mga etaw ha pakasaysay hu igpaikagi hu Dios saena nakauma diyà ta Antiokia ha napuun ta Jerusalem.

Mga Buhat 22:20

Daw su himatayan dan si Esteban sa suluguen nu nabayà-bayà a taena daw iyan a daan migbantay hu mga bisti hu mighimatay kandin.’

Mga Buhat 7:57

Ba dinap-en ku mga agalen sa mga talinga dan daw pamangulahì. Dayun migdengan sidan hu pagdakep kandin

Mga Buhat 8:3

Ba si Saulo pinasipalahan din gayed sa mga tumutuu. Pinanlatunan din sa kada balay daw pandakepa sa mga maama daw sa mga bahi dayun impaprisu din sidan.

1 Corinto 1:24

Ba sa hinimu hu Dios ha tumutuu mga Judio man daw sa kenà, natun-an dan ha pinaagi ki Cristo impadayag hu Dios sa gahem daw sa kaalam din.

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

Efeso 4:11

Sa katatau ha in-ila din iyan haini. Sa duma binuhat din ha apustulis daw sa duma pakasaysay hu igpaikagi hu Dios. Sa duma tagsangyaw hu Maayad ha Tultulanen, sa duma agalen hu mga tumutuu daw amin daan manunudlù.

Colosas 2:3

ta iyan haena puunaan hu alan ha kaalam daw pagsabut.

Impadayag 16:6

Ta iyan haini sidan mighimatay ku mga prupita daw hu mga etaw nu aman igpainum nu iman kandan sa langesa ta iyan haena angayan ha bales kandan.”

Impadayag 18:20

Sinyu sa tagtimà diyan ta langit, magmalipayen kaw ta nadaetan en haena sa banuwa. Sinyu sa mga etaw hu Dios daw mga apustulis daw mga prupita, magmalipayen kaw ta sinilutan en gayed haena hu Dios tumenged hu binuhat din inyu.