Lucas 10:28 - Lalang Hu Dios

²⁸ Dayun minikagi si Jesus, “Laus hayan aman buhata haini daw amin nu kinabuhì ha hurà din katapusan.”

Lucas 10:28 Iomraidhean Croise

Mateo 19:17

Tuminubag si Jesus, “Imbà nu ig-insà ku inu sa maayad? Iyan dà sa Dios maayad. Ku agkabayà ka hu kinabuhì ha hurà din katapusan tumanen nu sa Kasuguan hu Dios.”

Marcos 12:34

Su mapaliman hi Jesus ha maayad gayed sa tubag din inikagiyan din haena, “Apit kad en tagharii hu Dios.” Sugud taena hurà en kandan uminamel hu pagpanginginsà kandin.

Lucas 7:43

Tuminubag si Simon, “Iyan gid haena sa adagi sa sambay din ha linipatan.” Tuminubag daan si Jesus, “Laus hayan.”

Roma 10:4

Ba tumenged ki Cristo hurà pulus hu pagtuman hu Kasuguan ta pinaagi dà gayed hu pagtuu kandin mabuhat sa etaw ha matareng.

Roma 3:19

Natun-an taw en ha sa Kasuguan iyan migpadayag hu salà taena ha sakup duun. Pinaagi hu Kasuguan natun-an taw ha hurà gayed makaikagi ha harì angayan ha silutan ta sa alan suminupak hu Dios.

Roma 7:10

Sa Kasuguan tag-ila ngaay hu kinabuhì ku tumanen, ba bà dà nabuhat ha hinengdan ha silutan a hu hurà din katapusan.

Galacia 3:12

Saena ha tagtuman hu alan ha Kasuguan kenà en kinahanglan ha amin din pa pagtuu ta sa lalang hu Dios tagyanaen, “Sa etaw ha makatuman gayed hu alan ha Kasuguan makaangken hu kinabuhì ha hurà din katapusan.”