Juan 8:37 - Lalang Hu Dios

³⁷ Natun-an ku ha mga kaliwatan kaw hi Abraham ba bà a dà paman inyu aghimatayi ta harì nuy agdawaten sa tigtudlù ku.

Juan 8:37 Iomraidhean Croise

Mateo 13:15

ta inipelan dan sa mga talinga dan daw taglipedengà sidan daw tungkay gayed madesen sa henà-henà dan. Ta ku pakaindan pa daw pakasabut ngaay sidan maghinulsul gayed hu mga salà dan daw luwasen sidan hu Dios.’

Mateo 3:9

Harì kaw magsalig ha mga kaliwatan kaw hi Abraham ta ikagiyen ku inyu ha mahimu hu Dios buhata haini sa mga batu ha kaliwatan daan hi Abraham.

Juan 10:31

Su mapaliman haena hu mga Judio nangamul en paman sidan hu mga batu ta agbatuwen dan ngaay.

Juan 11:53

Sugud taena ha aldaw sa mga labaw ha agalen hu mga Judio nan-ahà hu paagi ha mapatay dan si Jesus.

Juan 5:44

In-inuwen nuy pagtuu kanak ku iyan dà tagpan-ahaen nuy sa pagdayè inyu hu mga etaw ba harì nuy agkabayaan ha madayè kaw hu laus ha Dios?

Juan 7:1

Su maiwas haena duminayun si Jesus duun hu mga banuwa ha sakup ta Galilea. Tinuyù din gayed ha makadiyù diyà ta prubinsya ta Judea ta natun-an din ha aghimatayan diyà hu mga agalen hu Judio.

Juan 7:19

Si Moises mig-ila inyu hu Kasuguan ba hurà bisan sabuwa inyu ha tagtuman taena. Ta ku tagtuman kaw pa hu Kasuguan harì nuy ngaay mahenhenaan ha himatayan a inyu.”

Juan 7:25

Su mapaliman hu mga taga-Jerusalem haena sa inikagi hi Jesus sa duma kandan minikagi, “Kenà ba iyan haini su etaw ha tagpan-ahaen hu mga agalen ta aghimatayan dan?

Juan 8:33

Tuminubag sidan, “Iyan kay mga kaliwat hi Abraham daw hurà kay kaulipen hu bisan sin-u. Imbà nu ikagiya ha malibri kay hu pagkaulipen day?”

Juan 8:43

Harì nuy agkasabut sa tag-ikagiyen ku inyu ta harì kaw tagpaliliman hu tigtudlù ku inyu.

Juan 8:56

Su gin-apuan nuy ha si Abraham nalipay gayed su matun-an din ha dumini a ta kalibutan.”

Juan 8:59

Su mapaliman dan haena nangamul sidan hu batu ta agbatuwen dan ngaay, ba luminubuk si Jesus duun hu mga etaw daw awà diyà ta Timplu.

Juan 8:6

Ininsaan dan si Jesus taena hu pagsulay kandin ta daw amin dan katarengan ha ikasumbung dan mahitenged kandin. Ba si Jesus bà dà duminunghuy daw isulat sa tuldù din duun hu aliyabuk.

Mga Buhat 13:26

“Mga suled ku ha kaliwat hi Abraham daw sinyu daan sa alan ha matinahuren hu Dios, iyan kuy pinauwitan hu Maayad ha Tultulanen mahitenged hu igkaluwas taw.

Roma 9:7

Bisan pa sa mga kaliwat hi Abraham hurà alan isipa ha mga kaliwat din ta inikagi hu Dios diyà ki Abraham, “Pinaagi dà ki Isaac sa ag-isipen ha mga kaliwat nu.”

1 Corinto 2:14

Sa etaw ha kalibutanen harì agdawat hu tigtudlù hu Balaan ha Ispiritu ha sinugù hu Dios ta harì din haini agkasabut daw ag-isipen din daan ha bà dà binuang, ta sa tagpasabut taini iyan dà gayed sa inulinan hu Balaan ha Ispiritu.

1 Juan 2:14

Sinyu sa mga Amay, sinulatan ku inyu ta nakilala nuy en haena sa duduun en su hurà pa tanghagaa sa kalibutan. Sinyu sa mga batan-en pa ha mga etaw, sinulatan ku inyu ta mabis-ay kaw hu pagtuu tumenged ta sa lalang hu Dios didiyan en ta inyu daw nadaeg nuy en daan si Satanas.