Juan 8:28 - Lalang Hu Dios

²⁸ Aman inikagiyan sidan hi Jesus, “Siak sa Batà hu Etaw ku itaud a duun hu kayu daw ipatangkaw human nuy en kakilala ku sin-u a, daw matun-an nuy en ha hurà ku gayed mahimu hu kanak dà ha gahem ba sa tag-ikagiyen ku iyan gayed su intudlù kanak hu Dios ha Amay ku.

Juan 8:28 Iomraidhean Croise

Mateo 24:5

Ta madakel asem sa makadini daw mag-ikagi, ‘Iyan a su Misiyas’ dayun madakel gayed ha mga etaw sa malimbungan dan.

Marcos 13:6

Madakel asem sa makadini daw mag-ikagi, ‘Iyan a su Misiyas’ dayun madakel gayed ha mga etaw sa malimbungan dan.

Lucas 21:8

Tuminubag si Jesus, “Magbantay kaw ta daw harì kaw malimbungan hu bisan sin-u ta madakel asem sa makadini ha mag-ikagi, ‘Iyan a su Misiyas’ daw mag-ikagi daan, ‘Ubay en sa katapusan hu panahun.’ Ba harì kaw gayed agsunud kandan.

Juan 11:42

Natun-an ku ha dayun ka dà tagpaliliman kanak, ba tumenged taini ha mga etaw ha tagtiyadeg dini inikagi ku haini ta daw makatuu sidan ha sinugù a gayed ikaw dini ta kalibutan.”

Juan 13:19

“Saena daan kud en inyu ag-ikagiyen ta daw ku matuman haena makatuu kaw gayed ha iyan ad su duduun en su anay.

Juan 16:10

Igpadayag din sa paagi ha mahimu sidan ha matareng ta siak ag-ulì ad en duun hu Amay ku daw harì ad inyu maahà.

Juan 18:32

Nahitabù haena ta daw matuman sa inikagi su anay hi Jesus ku agkainu-inu sa kamatayen din.

Juan 19:18

Duun taena inlansang dan si Jesus duun hu krus daw amin pa daan daruwa ha inlansang dan duma kandin, sa sabuwa diyà ta gibang din daw sa sabuwa diyà ta kawanan din.

Juan 3:11

Laus gayed sa ag-ikagiyen ku ha sa intudlù day iyan sa natun-an day daw sa tagsubayen day iyan sa naahà day ba harì nuy agdawaten.

Juan 3:14

Su duun pa si Moises hu pinakabulung-bulung ha lugar intaud din sa bunsalagan ha binuhat hu galang duun hu kayu daw ipatangkaw ta daw sa etaw ha umahà taena harì gayed matay. Iling daan taena ha sa Batà hu Etaw kinahanglan ha itaud duun hu kayu daw ipatangkaw

Juan 4:26

Dayun minikagi si Jesus, “Siak sa pakiglalang ikaw iyan ad en.”

Juan 5:19

Inikagiyan sidan hi Jesus, “Laus gayed sa ag-ikagiyen ku inyu ha siak sa Batà hu Dios hurà ku gayed mahimu hu kanak dà ha gahem. Iyan dà agkabuhat ku sa naahà ku ha binuhat hu Amay ku, aman sa tagbuhaten din iyan daan agbuhaten ku.

Juan 5:30

Hurà ku mahimu hu kanak dà ha gahem. Sa paghukum ku pinaagi gayed hu ag-ikagiyen kanak hu Dios ha Amay ku, aman matareng haini ta kenà ku iyan agsunuren sa kanak ha agkabayaan ba iyan sa agkabayaan hu Amay ku ha migsugù kanak.

Juan 6:38

Ta sa pagdini ku ta kalibutan kenà iyan sa pagbuhat hu kanak ha agkabayaan, ba iyan sa pagtuman taena ha pagbayà hu Dios ha Amay ku ha migsugù kanak.

Juan 8:24

Inikagiyan kud en inyu ha matay kaw en duun hu mga salà nuy ku harì kaw tumuu ha iyan ad su duduun en su anay.”

Juan 8:27

Hurà makasabut sa mga etaw ha sa tagsubayen hi Jesus iyan sa Dios ha Amay din.

Juan 8:58

Tuminubag si Jesus, “Laus gayed sa ag-ikagiyen ku inyu ha su hurà pa ibatà si Abraham duduun ad en.”

Mga Buhat 2:41

Madakel sa tuminuu hu inikagi hi Pedro aman binautismuwan sidan. Mga tatulu ha libu sa nakatuu ha nakaisab kandan taena ha aldaw.

Mga Buhat 4:4

Ba sa madakel ha nakapaliman tuminuu, lalima ha libu sa kadakelen hu mga maama.