Juan 7:39 - Lalang Hu Dios

³⁹ Ta sa wahig ha sinubay din iyan sa Balaan ha Ispiritu ha agkadawat hu bisan sin-u ha tumuu ki Jesus. Ba duun taena ha panahun hurà pa iila sa Balaan ha Ispiritu ta hurà pa ligtu si Jesus diyà ta langit.

Juan 7:39 Iomraidhean Croise

Mateo 16:14

Tuminubag sidan, “Sa duma tag-ikagi ha iyan ka kun si Juan Ha Tagpamautismu daw sa duma tag-ikagi daan ha iyan ka kun si Elias. Sa duma tag-ikagi ha iyan ka kun si Jeremias daw ku iyan ka ba sa sabuwa duun hu mga prupita.”

Mateo 21:11

Tuminubag haena sa namanduma ki Jesus, “Iyan en haini si Jesus ha prupita ha diyà napuun ta Nazareth ha sakup ta Galilea.”

Lucas 24:49

Ba magtimà kaw pa enà dini ta Jerusalem daw angati nuy sa Balaan ha Ispiritu ha insaad hu Dios ta agsuguen ku haena diyan ta inyu daw gaheman kaw kandin.”

Lucas 3:16

Ba inikagiyan sidan hi Juan, “Diyà a ta wahig agpamautismu inyu ba amin pa makadini ha labaw dì kanak ta bisan sa paghukad hu sapatus din kenà a gayed angayan duun. Sa kandin ha igbautismu iyan sa paulinan kaw kandin hu Balaan ha Ispiritu daw masunug sa madaet diyan ta inyu.

Lucas 7:16

Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Juan 1:21

Aman nanginginsà sidan, “Sin-u ka diay? Iyan kad en ba si Elias ha prupita?” Ba tuminubag si Juan, “Kenà a iyan.” Minisab sidan nanginginsà, “Iyan kad en ba su tagsalapen day ha Prupita?” Tuminubag gihapun si Juan, “Kenà a daan iyan.”

Juan 1:25

nanginginsà, “Ku kenà ka iyan su Misiyas daw ku kenà ka daan iyan si Elias daw saena ha tagsalapen day ha Prupita, imbà nu agpamautismuwi sa mga etaw?”

Juan 1:33

Saini hurà ku ngaay kakilala ba sa Dios ha iyan migsugù kanak hu pagpamautismu daan en minikagi kanak, ‘Ku maahà nu sa etaw ha agbulusan hu Balaan ha Ispiritu ha harì en umawà diyà ta kandin iyan en su tagpamautismu pinaagi hu pagpaulin hu Balaan ha Ispiritu.’

Juan 12:16

Duun taena ha panahun hurà katun-i hu mga tinun-an din sa kahulugan taena ha tagnà. Ba su lumikù en si Jesus diyà ta langit human dan natun-i ha saena ha insulat mahitenged man diay kandin daw natuman haena diyà ta kandin.

Juan 12:23

Tuminubag si Jesus, “Iyan en haini natugun ha panahun ha dayeen a siak sa Batà hu Etaw.

Juan 14:13

Bisan inu sa panayuen nuy pinaagi kanak ig-ila ku gayed haena ta daw madayè sa Dios ha Amay ku tumenged kanak.

Juan 14:26

Ba sa Balaan ha Ispiritu ha iyan Magbubulig ha ipadini hu Amay ku ta inyu suhì kanak iyan magtudlù inyu hu alan daw ipahenà-henà din daan inyu sa alan ha mga lalang ku.

Juan 16:14

Dayeen a kandin ta igpadayag din inyu sa mga intudlù ku.

Juan 16:7

ba laus gayed sa ag-ikagiyen ku inyu ha sa pag-awà ku dini makapaayad inyu. Ta ku harì a umawà dini harì dumini ta inyu sa Magbubulig, ba ku umawà a suguen ku haena diyan ta inyu.

Juan 17:1

Su makapenga mikagi si Jesus huminangad haena diyà ta langit daw mig-ampù ha tagyanaen, “Amay ku, iyan en haini su natugun ha panahun. Dayeen a sa Batà nu ta daw madayè ku daan ikaw

Juan 17:5

Iman, Amay ku himayaa a duma ikaw mailing hu himaya su diyan a pa ta ikaw su hurà pa daan tanghagaa sa kalibutan.

Juan 20:22

Daw inikagiyan din pa daan sidan, “Dawata nuy sa Balaan ha Ispiritu.

Juan 6:14

Su maahà hu mga etaw haena sa belenganen ha binuhat hi Jesus minikagi sidan, “Iyan en gayed hayan su tagsalapen taw ha Prupita ha igpadini ta kalibutan.”

Juan 7:12

Tagsubayen si Jesus hu mga etaw ha nangaamul-amul diyà. Sa duma kandan tag-ikagi, “Maayad haena ha etaw” ba sa duma tag-ikagi daan, “Kenà haena maayad ta bà din dà aglimbungi sa mga etaw.”

Juan 8:54

Tuminubag si Jesus, “Ku dayeen ku sa kaugalingen ku hurà din pulus, ba sa tagdayè kanak iyan sa Dios ha Amay ku ha tag-angkenen nuy daan ha Dios nuy.

Mga Buhat 19:2

daw ininsaan din sidan, “Su tumuu kaw ki Jesus inulinan kaw ba hu Balaan ha Ispiritu?” Tuminubag sidan, “Hurà ta hurà day katun-i ha amin man diay Balaan ha Ispiritu.”

Mga Buhat 2:17

‘Duun hu hudiyan ha panahun igpaulin ku sa Balaan ha Ispiritu duun hu kaet-etawan. Sa mga batà nuy ha maama daw mga bahi makasaysay hu igpaikagi ku, sa mga batan-en ha maama makaahà hu panan-awen daw sa magulang magpandamugu daan.

Mga Buhat 2:33

Impatangkaw haena hu Dios daw diyà impapinuu ta kawanan din. Inilahan din daan hu katenged hu pagsugù dini hu Balaan ha Ispiritu sa insaad din. Aman sa naahà nuy daw sa napaliman nuy iman iyan en pagpaulin din hu Balaan ha Ispiritu.

Mga Buhat 2:38

Tuminubag si Pedro, “Alan kaw maghinulsul ta daw mapasaylu sa mga salà nuy daw magpabautismu kaw duun hu ngaran hi Cristo Jesus. Dayun maulinan kaw hu Balaan ha Ispiritu

Mga Buhat 2:4

Dayun inulinan sidan hu Balaan ha Ispiritu daw nakaikagi sidan hu migkalain-lain ha inikagiyan sumalà hu impaikagi hu Balaan ha Ispiritu kandan.

Mga Buhat 3:13

Sa Dios ha iyan tagsimbahen hi Abraham, hi Isaac daw hi Jacob sa mga gin-apuan taw migdayè ki Jesus ha sinugù din. Intugyan nuy si Jesus duun hu mga agalen daw pigtameyes nuy daan duun hu atubangan hi Pilato bisan su igpaawà en ngaay haena hi Pilato.

Mga Buhat 4:31

Su makapenga sidan mag-ampù nahuyung su balay ha pig-amul-amulan dan. Dayun inulinan sidan hu Balaan ha Ispiritu aman hurà dan en gayed kahaldek hu pagpanunultul hu lalang hu Dios.

Roma 8:9

Ba kenà kaw en iman ulipen hu makasasalà ha kinaiya nuy ta sa tagbayà inyu iyan en sa Balaan ha Ispiritu ha didiyan en ta inyu. Sa etaw ha hurà ulini hu Balaan ha Ispiritu ha sinugù hi Cristo kenà din sakup.

2 Corinto 3:8

kenà ba labaw pa gayed sa pagpadayag hu gahem din pinaagi hu Balaan ha Ispiritu ha tag-ila hu kinabuhì?

Efeso 4:30

Harì nuy agsakita sa Balaan ha Ispiritu ha sinugù hu Dios ta saena iyan timaan ha etaw kaw hu Dios daw libriyen kaw gayed asem kandin.