Juan 7:32 - Lalang Hu Dios

³² Amin mga Parisiyu ha nakapaliman hu muya-muya mahitenged ki Jesus aman sa mga Parisiyu daw sa mga labaw ha sinaligan hu paghalad migsugù hu mga bantay taena ha Timplu ha dakepen dan si Jesus.

Juan 7:32 Iomraidhean Croise

Mateo 12:14

Su mga Parisiyu namangguwà daw miglalang-lalang sidan ku in-inuwen dan sa kahimatayi ki Jesus.

Mateo 23:13

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Harì kaw agkabayà ha maharian kaw hu Dios daw saena ha agkabayà ngaay agbaldengen nuy.

Mateo 26:58

Si Pedro taglupug daan kandan ba madiyù dà daw diyà dà nataman ta lama. Uminamul haena duun hu mga bantay ha tagpinuu diyà ta ag-ahaen din ku inu sa maul-ulahan hi Jesus.

Juan 11:46

Ba sa duma kandan migsumbung hu binuhat hi Jesus duun hu mga Parisiyu.

Juan 12:19

Aman nakaikagi sa mga Parisiyu, “Hurà taw en gayed mahimu ta ahà kaw, madakel gayed sa agsunud kandin.”

Juan 18:3

Aman inuwit hi Judas diyà sa mga sundalu daw sa mga bantay hu Timplu ha sinugù hu labaw ha mga sinaligan hu paghalad daw hu mga Parisiyu ha tag-uuwit hu mga sulù daw hinagiban.

Juan 7:30

Agdakepen dan en ngaay si Jesus ba harì dan agkahimu ta kenà pa haena iyan natugun ha panahun.

Mga Buhat 5:26

Aman su kapitan hu mga bantay daw sa mga sakup din inelegan dan su mga apustulis daw uwita duun hu mga agalen. Ba hurà dan pegesa ta agkahaldek sidan ku batuwen sidan hu mga etaw.