Juan 6:14 - Lalang Hu Dios

¹⁴ Su maahà hu mga etaw haena sa belenganen ha binuhat hi Jesus minikagi sidan, “Iyan en gayed hayan su tagsalapen taw ha Prupita ha igpadini ta kalibutan.”

Juan 6:14 Iomraidhean Croise

Mateo 11:3

ha insaan dan si Jesus, “Iyan kad ba haena sa intagnà ha makauma dini ta kalibutan daw ku amin pa ba lain ha pagsalapen day?”

Mateo 21:11

Tuminubag haena sa namanduma ki Jesus, “Iyan en haini si Jesus ha prupita ha diyà napuun ta Nazareth ha sakup ta Galilea.”

Lucas 24:19

Nanginginsà si Jesus, “Inu man diay sa nahitabù?” Saena inikagiyan dan, “Mahitenged ki Jesus ha taga-Nazareth sa sabuwa ha prupita daw tinuuwan hu mga etaw tumenged hu belenganen ha binuhat din daw hu mga pagtudlù din ha amin duun gahem.

Lucas 7:16

Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Juan 1:21

Aman nanginginsà sidan, “Sin-u ka diay? Iyan kad en ba si Elias ha prupita?” Ba tuminubag si Juan, “Kenà a iyan.” Minisab sidan nanginginsà, “Iyan kad en ba su tagsalapen day ha Prupita?” Tuminubag gihapun si Juan, “Kenà a daan iyan.”

Juan 11:27

Tuminubag si Marta, “Hee, Ginuu, agtuu a ha iyan ka su Misiyas ha Batà hu Dios ha intagnà ha dumini ta kalibutan.”

Juan 2:11

Saena ha binuhat hi Jesus diyà ta Cana ha sakup ta Galilea iyan nauna ha belenganen ha binuhat din. Pinaagi taena nakapaahà din sa pagkagamhanan din aman nakatuu kandin sa mga tinun-an din.

Juan 4:19

Nakaikagi su bahi, “Iyan kad en gayed su prupita.

Juan 4:25

Tuminubag su bahi, “Natun-an ku ha makauma ku malugay sa Misiyas ha tagngaranan daan ki Cristo. Ku makauma en haena isaysay din kanuy sa alan.”

Juan 4:42

Inikagiyan dan haena sa bahi, “Sa igpakatuu day kenà iyan dà sa intultul nu kanay ba napaliman day gayed sa lalang din daw natun-an day ha iyan en gayed Manluluwas hu kaet-etawan.”

Juan 6:2

Tungkay madakel sa mga etaw ha namanlupug kandin ta naahà dan sa mga belenganen ha binuhat din tumenged ta naulian din sa nangadaluwan.

Juan 6:26

Tuminubag si Jesus, “Laus gayed sa ag-ikagiyen ku inyu ha sa tigpan-ahaa nuy kanak iyan dà ta nabuhì kaw hu supas ha nakaen nuy gabì, ba hurà nuy kasabut sa mga belenganen ha nabuhat ku.

Juan 6:30

Aman nanginginsà sa mga etaw, “Inu sa belenganen ha makapaahà nu kanay ta daw kay makatuu ikaw?

Juan 7:40

Su mapaliman hu mga etaw sa inikagi hi Jesus sa duma kandan minikagi, “Laus gayed ha iyan en haena su tagsalapen taw ha Prupita.”

Mga Buhat 7:37

Iyan si Moises su mig-ikagi duun hu mga kaliwatan hi Israel, ‘Amin sabuwa ha prupita ha humiwal duun hu mga kaliwatan nuy ha suguen hu Dios iling hu pagsugua din kanak.’