Juan 5:34 - Lalang Hu Dios

³⁴ Harì en ngaay kinahanglan ha amin pa etaw ha manistigus mahitenged kanak, ba ipahenà-henà ku inyu sa inikagi hi Juan ta daw maluwas kaw.

Juan 5:34 Iomraidhean Croise

Lucas 13:34

“Sinyu sa mga taga-Jerusalem ha agpangimatay hu mga prupita daw tagbatu daan hu mga etaw ha agsuguen diyan, agtanulen ku ngaay inyu iling hu manuk ha ag-amulen din sa mga piyak din diyà ta pakpak din ba harì kaw man agkabayà.

Lucas 19:10

Ta siak sa Batà hu Etaw duminini a ta kalibutan hu pagpan-ahà taena ha nangalaag daw hu pagluwas kandan.”

Lucas 24:47

Aman agsuguen ku inyu ha isangyaw nuy duun hu kaet-etawan sugud ta Jerusalem payanaen hu alan ha mga nasud ha ku maghinulsul sidan mapasaylu gayed sa mga salà dan.

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Juan 5:32

Ba amin lain ha agpanistigus mahitenged kanak daw natun-an ku ha sa tag-ikagiyen din kasaligan gayed.

Juan 5:41

“Kenà ku iyan tagpan-ahaen ha madayè a hu mga etaw

Juan 8:54

Tuminubag si Jesus, “Ku dayeen ku sa kaugalingen ku hurà din pulus, ba sa tagdayè kanak iyan sa Dios ha Amay ku ha tag-angkenen nuy daan ha Dios nuy.

Roma 10:1

Mga suled, agkabayaan ku ngaay ha sa mga kadumahan ku ha Judio maluwas gayed daw iyan haini sigi ku tig-ampù duun hu Dios.

Roma 10:21

Ba mahitenged hu mga kaliwatan hi Israel sa lalang hu Dios tagyanaen, “Sigi ku dà sidan tagpagayukan ha tumuu kanak ba hurà sidan tuu ta madesen sa henà-henà dan.”

Roma 12:21

Balesi nuy sa madaet pinaagi hu maayad ta daw harì kaw madaeg taena ha madaet.

Roma 3:3

Bisan ku sa duma kandan hurà tuu hu lalang din ba harì haena makabengkag hu insaad hu Dios su anay kandan.

1 Corinto 9:22

Duun hu mga maluya hu pagtuu migmaluluy-en a diyà ta kandan ta daw madasig ku sidan. Binuhat ku sa kaugalingen ku ha angayan hu bisan sin-u ta daw maluwas sa duma kandan.

1 Timoteo 4:16

Mag-andam ka gayed duun hu mga buhat daw duun hu pagtudlù ta ku buhaten nu haini kenà ka iyan dà maluwas ba madakel pa gayed sa maluwas pinaagi hu pagpaliliman dan ikaw.

1 Juan 5:9

Tagtuu kuy hu duma taw ku agpanistigus, ba ayuwà pa ku iyan en sa Dios manistigus mahitenged hu Batà din.