Juan 5:15 - Lalang Hu Dios

¹⁵ Saena ha etaw luminikù duun hu mga agalen hu mga Judio daw ikagiyi sidan, “Iyan diay si Jesus migbulung kanak.”

Juan 5:15 Iomraidhean Croise

Marcos 1:45

Ba su makahipanaw en su etaw bà dà nasì nanunultul duun hu bisan hindu. Aman si Jesus harì en paman pakaduun hu mga banuwa ba duun dà tagtimaay hu pinakabulung-bulung ha mga lugar. Ba bisan pa taena inelegan si Jesus hu mga etaw ha nangapuun duun hu bisan hindu.

Juan 1:19

Iyan haini intultul hi Juan su suguen hu mga agalen ta Jerusalem sa mga sinaligan hu paghalad daw sa mga kaliwat hi Levi ha mga magbubulig dan ha dumiyà ki Juan ta daw mainsaan dan ku sin-u.

Juan 4:29

“Naahà kud labi su etaw ha natun-an din sa alan ha mga binuhat ku, aman diyà kuy en ta daw maahà nuy. Iyan en gid haena su Misiyas?”

Juan 5:10

aman inikagiyan hu mga agalen hu Judio su etaw ha naulian, “Aldaw haini hu Paghimlay aman harì igtugut duun hu Kasuguan sa pag-uwit hu banig.”

Juan 5:12

Aman ininsaan dan haena, “Sin-u ha etaw sa migsugù ikaw?”

Juan 5:16

Pigpasipalahan si Jesus hu mga agalen hu mga Judio ta agpamulung duun hu Aldaw hu Paghimlay.

Juan 5:18

Tumenged taena su mga agalen naniguru gayed ha mapatay dan si Jesus, ta kenà iyan dà sa pagsupak din hu Kasuguan mahitenged hu Aldaw hu Paghimlay ba tag-ikagiyen din daan ha Amay din sa Dios daw inisip din sa kaugalingen din ha Dios en daan.

Juan 9:15

Aman ininsaan en paman ku mga Parisiyu su nakaindan, “Nainu-inu sa impakaindan nu?” Tuminubag haena, “Inugsakan hi Jesus hu pisà sa mata ku daw nangulam-us a aman sagunà a nakaindan.”

Juan 9:25

Ba su nakaindan minikagi, “Harì ku agkatun-an ku masinupaken ba haena daw ku kenà. Iyan dà agkatun-an ku ha su anay buta a ba iman pakaindan ad en.”

Juan 9:30

Tuminubag haena sa etaw, “Agkabelengan ku gayed sa inikagi nuy. Harì nuy agkatun-an ku hindu haena napuun ba iyan migbulung hu mata ku.

Juan 9:34

Tuminubag haena sa mga agalen, “Agtudluan kay ba daan ikaw sikaw sa masinupaken sugud dà su ibatà?” Dayun inabug dan haena diyà ta guwa.