Juan 20:13 - Lalang Hu Dios

¹³ Su mga balinsuguen hu Dios minikagi, “Imbà ka tag-agalaay?” Tuminubag si Maria, “Tinimù dan sa lawa hu Ginuu ku daw harì ku agkatun-an ku hindu dan en duun in-ugsak.”

Juan 20:13 Iomraidhean Croise

Lucas 24:17

Ininsaan sidan hi Jesus, “Inu sa tagsubayen nuy?” Tuminaleen sidan sa tagmaleleng.

Juan 19:26

Su maahà hi Jesus si Inay din daw su tinun-an ha palanggà din minikagi haini, “Inay, iyan en hayana batà nu.”

Juan 2:4

Ba tuminubag si Jesus, “Hurà kinahanglan ha suguen a ikaw ta kenà pa haini panahun ha maahà sa gahem ku hu kaet-etawan.”

Juan 20:15

Saena nanginginsà diyà ta kandin, “Imbà ka tag-agalaay? Sin-u sa tagpan-ahaen nu?” Abi hi Maria ha iyan haena su tag-alima hu mga pamulahen aman tinubag din, “Ku iyan ka migtimù hu lawa hi Jesus ikagiya nu kanak ku hindu nu duun in-ugsak ta agtimuen ku dà.”

Juan 20:2

Aman minulalaguy payanaen diyà ki Simon Pedro daw taena ha pinalanggà hi Jesus ha tinun-an daw inikagiyan din sidan, “Inawà dan en sa lawa hi Jesus duun hu piglebengan kandin daw hurà day katun-i ku hindu dan en duun in-ugsak.”

Mga Buhat 21:13

Ba bà dà tuminubag si Pablo, “Harì kaw tag-agalaay ta agsakit sa gahinawa ku. Andam ad en ku prisuhen a daw bisan ku himatayan a pa diyà ta Jerusalem tumenged hu pagpanunultul ku mahitenged ki Jesus ha Ginuu.”