Juan 18:35 - Lalang Hu Dios

³⁵ Minikagi si Pilato, “Judio a ba daan? Iyan sa mga duma nu ha Judio daw sa mga labaw ha sinaligan hu paghalad migtugyan ikaw dini ta kanak. Inu man sa salà nu?”

Juan 18:35 Iomraidhean Croise

Juan 18:28

Su maselem pa si Jesus inuwit en ku mga agalen hu Judio duun ku balay hu gubirnadur ha napuun ta balay hi Caifas. Ba sa mga agalen diyà dà nataman ta guwà taena ha balay ta daw harì dan malapas sa tulumanen hu mga Judio hu pagsaulug taena ha Aldaw hu Paglabay.

Juan 18:34

Si Jesus tuminubag, “Sayan ha inikagi nu ikaw en ba ha henà-henà daw ku tinultulan ka ba hu mga etaw mahitenged kanak?”

Juan 18:36

Tuminubag si Jesus, “Sa pagkaharì ku kenà dini ta kalibutan. Ku harì a pa ngaay dini suminukul en gan sa mga suluguen ku ta daw harì a madakep taini ha mga Judio. Ba sa pagkaharì ku kenà dini dà ta kalibutan.”

Juan 19:11

Tuminubag si Jesus, “Hurà nu kagahem mahitenged kanak ku hurà ka pa ilahi hu Dios taena. Aman sa etaw ha mig-uwit kanak dini ta ikaw adagi gayed sa kandin ha salà dì hu ikaw.”

Juan 19:6

Su maahà si Jesus hu mga labaw ha sinaligan hu paghalad daw hu mga bantay taena ha Timplu namangulahì sidan, “Ilansang hayan duun hu krus.” Ba inikagiyan sidan hi Pilato, “Iyan kaw en maglansang kandin ta hurà ku naahà ha salà din.”

Mga Buhat 21:38

Kenà ka ba diay iyan haena sa taga-Ehipto ha migbuhat hu kagubut daw nangulu hu haepat ha libu ha mga talamunù duun hu pinakabulung-bulung ha lugar?”

Mga Buhat 23:29

Dayun natun-an ku ha hurà din salà ha angayan ha prisuhen daw himatayan ta sa hinengdan ha insumbung dan iyan sa mahitenged hu Kasuguan dan.

Mga Buhat 3:13

Sa Dios ha iyan tagsimbahen hi Abraham, hi Isaac daw hi Jacob sa mga gin-apuan taw migdayè ki Jesus ha sinugù din. Intugyan nuy si Jesus duun hu mga agalen daw pigtameyes nuy daan duun hu atubangan hi Pilato bisan su igpaawà en ngaay haena hi Pilato.