Juan 17:6 - Lalang Hu Dios

⁶ “Saena ha mga etaw ha in-ila nu kanak dini ta kalibutan impakilala kud kandan ku sin-u ka. Daan en sidan ikaw ha mga etaw ba in-ila nu sidan kanak daw tinuman dan en sa lalang nu.

Juan 17:6 Iomraidhean Croise

Juan 1:18

Hurà gayed etaw ha nakaahà hu Dios, ba sa bugtung ha Batà din ha dayun dà tagduma kandin iyan migpakilala kanuy hu Amay din.

Juan 12:28

Aman mig-ampù si Jesus, “Amay ku, buhata sa madayè ka pinaagi kanak.” Dayun amin lageng ha napuun diyà ta langit ha tagyanaen, “Nadayè ad en pinaagi ikaw ba madayè a pa gayed hu agbuhaten nu.”

Juan 15:19

Ku duma kaw pa ngaay kandan harì kaw kandan kuntrahen. Ba kenà kaw kandan mga duma ta pinilì ku inyu aman agkuntrahen kaw gayed kandan.

Juan 15:3

Limpyu kaw en tumenged hu mga lalang ku inyu.

Juan 15:7

Ku harì kaw sumuway kanak daw magpabilin kaw duun hu mga lalang ku sa bisan inu ha agpanayuen nuy ig-ila ku inyu.

Juan 17:12

Su duma a pa kandan pigbantayan ku sidan pinaagi hu gahem ha in-ila nu kanak. Hurà malaag kandan ba iyan dà sa intagnà en ha maglimbung kanak ta daw matuman sa insulat ha lalang nu.

Juan 17:14

Saena ha lalang nu intudlù kud en kandan. Ba tagkuntrahen sidan hu mga etaw ha harì agtuu kanak ta sa migtuu kanak kenà en sakup ta kalibutan iling ha kenà a daan sakup ta kalibutan.

Juan 17:16

Kenà en sidan sakup ta kalibutan iling ha kenà a daan sakup ta kalibutan.

Juan 17:2

ta in-ila nud en kanak sa kagahem ha mailahan ku hu kinabuhì ha hurà din katapusan sa kaet-etawan ha in-ila nu kanak.

Juan 17:24

“Amay ku, sa mga etaw ha in-ila nu kanak agkabayaan ku daan ha makaamul sidan duun hu tagtimaan ku daw maahà dan sa himaya ha in-ila nu kanak tumenged ta pinalanggà a ikaw bisan su hurà pa tanghagaa sa kalibutan.

Juan 17:26

Impakilala kud ikaw diyà ta kandan daw agdayunen ku pa haena ta daw sa pagpalanggà nu kanak iyan daan pagpinalanggaay dan daw sabuwa a daan kandan.”

Juan 17:7

Iman natun-an dan en ha sa binuhat ku diyan gayed napuun ta ikaw

Juan 18:9

Inikagi din haena ta daw matuman sa in-ampù din ha hurà bisan sabuwa ha malaag duun hu mga etaw ha in-ila kandin hu Dios ha Amay din.

Juan 6:37

Sa alan ha mga etaw ha in-ila kanak hu Dios ha Amay ku agdini ta kanak, daw saena ha agdini ta kanak harì ku gayed agbugawen.

Juan 6:39

Daw sa agkabayaan hu Amay ku iyan sa hurà gayed bisan sabuwa ha malaag duun hu mga etaw ha in-ila din kanak ta agbanhawen ku dà sidan duun hu hudiyan ha aldaw.

Juan 8:51

Laus gayed sa ag-ikagiyen ku ha bisan sin-u sa magtuman hu tigtudlù ku harì en gayed matay.”

Juan 8:52

Su maikagi hi Jesus haena minikagi sidan, “Iman agkatun-an day en gayed ha libeg ka labi. Si Abraham daw sa alan ha mga prupita namamatay en sidan. Imbà nu agkaikagi ha bisan sin-u sa magtuman hu tigtudlù nu harì en gayed matay?

Mga Buhat 13:48

Su mapaliman haena hu kenà mga Judio nangalipay gayed sidan daw dinayè dan sa lalang hu Dios. Dayun tuminuu haena sa daan en pinilì ha mailahan hu kinabuhì ha hurà din katapusan.

Roma 11:2

Hurà gayed isalikway hu Dios sa mga etaw ha pinilì din. Nalipatan nuy en ba sa mga insumbung su anay hi Elias duun hu Dios mahitenged hu mga kaliwatan hi Israel ha tagyanaen,

2 Corinto 4:6

Su tanghagaen hu Dios sa alan minikagi haena, “Humiwal sa kapawà duun hu kasukileman.” Iyan haena nakailaw hu henà-henà taw ta daw matun-an taw sa pagkagamhanan din ha impadayag din pinaagi ki Cristo.

Colosas 3:16

Iduun hu mga henà-henà nuy sa mga katudluanan hi Cristo. Magpatudluay daw magdinasigà kaw sumalà hu natun-an hu kada sabuwa inyu. Magkanta kaw daan hu mga Salmo daw hu duma ha mga kanta ha pakadayè hu Dios duma hu pagpasalamat nuy diyà ta kandin.

2 Timoteo 1:13

Magpabilin ka gayed duun hu kamatuuran ha napaliman nu dini ta kanak daw pinaagi ki Cristo Jesus paniguruwi sa pagtuu nu kandin daw sa pagpalanggà nu hu duma.

Hebreo 2:12

ta inikagi haini duun hu Dios, “Ikagiyan ku sa mga suled ku mahitenged ikaw daw dayeen ku ikaw duun hu mga tagkaamul-amul hu pagsimba ikaw.”

Hebreo 3:6

Ba si Cristo kenà bà dà suluguen ta Batà gayed hu Dios daw matinumanen hu pag-alima iman hu pamilya hu Dios. Iyan kuy en iman pamilya din ku pangesegan taw sa pagsalig taw kandin daw sa taghinamen taw ha iyan igkalipay taw.

1 Pedro 1:1

Iyan a si Pedro ha apustul hi Cristo Jesus sa migsulat taini. Sinulatan ku inyu sinyu sa mga pinilì hu Dios ha nakagsusuwayà duun hu mga prubinsya ta Ponto, ta Galacia daw ta Capadocia, ta Asia daw ta Bitinia.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.

Impadayag 3:10

Tumenged ta matinumanen kaw hu mga sugù ku daw migpailub kaw hu mga alantusen bantayan ku gayed daan inyu ku mauma sa panahun ha sulayen hu tungkay malegen ha alantusen sa alan ha kaet-etawan dini ta tibuuk ha kalibutan.

Impadayag 3:8

Natun-an ku sa tagbuhaten nuy. Bisan ku atiyuay kaw dà ba tinuman nuy sa mga lalang ku daw hurà nuy iheles sa pagtuu nuy kanak. Aman pinuwaan ku sa pultahan ha ag-agiyan nuy daw harì daan haena masirahan hu bisan sin-u.