Juan 17:1 - Lalang Hu Dios

¹ Su makapenga mikagi si Jesus huminangad haena diyà ta langit daw mig-ampù ha tagyanaen, “Amay ku, iyan en haini su natugun ha panahun. Dayeen a sa Batà nu ta daw madayè ku daan ikaw

Juan 17:1 Iomraidhean Croise

Marcos 14:41

Duun hu ikatulu ha paglikù din diyà ta kandan inikagiyan din sidan, “Tagtidugahà kaw pa ba diay? Pukaw kaw en ta iyan en haini panahun ha siak sa Batà hu Etaw itugyan ad en duun hu mga makasasalà ha etaw.

Lucas 18:13

“Ba su manunukut hu buhis diyà dà tuminiyadeg ta suyuk. Duminunghuy ta agkaguul gayed hu mga salà din daw mig-ampù ha tagyanaen, ‘Dios ha Magbabayà hu alan, kahid-uwi a ikaw sa makasasalà.’

Lucas 22:53

Aldaw-aldaw diyà a ta Timplu daw nanudlù ba hurà a inyu dakepa. Ba iyan en iman haini panahun ha maahà sa gahem hi Satanas.”

Juan 11:4

Su mapaliman haena hi Jesus bà dà minikagi, “Harì din iyan ipatay sa dalu ba iyan igkadaluwi din ta daw madayè sa Dios ha Amay ku daw madayè a daan sa Batà din pinaagi taena.”

Juan 11:41

Aman inawà dan su batu ha in-ipel ku lebeng. Dayun huminangad si Jesus diyà ta langit sa mig-ampù, “Amay ku, tagpasalamat a ikaw ta migpaliliman ka kanak.

Juan 12:23

Tuminubag si Jesus, “Iyan en haini natugun ha panahun ha dayeen a siak sa Batà hu Etaw.

Juan 13:1

Su harì pa agsaulugen sa Aldaw hu Paglabay natun-an hi Jesus ha madani en sa natugun ha panahun ha ag-awà dini ta kalibutan ta ag-ulì en duun hu Dios ha Amay din. Pinalanggà din sa mga sumusunud din aman iman igpaahà din ku inu kaadagi sa pagpalanggà din kandan.

Juan 16:32

Madani en sa panahun ha makagsusuwayà kaw ta ag-awaan a inyu daw kada sabuwa inyu umulì duun hu kandin ha balay. Bisan pa taena amin ku gihapun duma ha iyan sa Dios ha Amay ku.

Juan 7:30

Agdakepen dan en ngaay si Jesus ba harì dan agkahimu ta kenà pa haena iyan natugun ha panahun.

Juan 7:39

Ta sa wahig ha sinubay din iyan sa Balaan ha Ispiritu ha agkadawat hu bisan sin-u ha tumuu ki Jesus. Ba duun taena ha panahun hurà pa iila sa Balaan ha Ispiritu ta hurà pa ligtu si Jesus diyà ta langit.

Juan 8:20

Inikagi haena hi Jesus su tagtudlù pa duun hu kuwartu ta Timplu ha duun sa talaguay hu salapì ha ighalad. Ba hurà pa kadakep si Jesus ta kenà pa haena iyan natugun ha panahun.

Mga Buhat 3:13

Sa Dios ha iyan tagsimbahen hi Abraham, hi Isaac daw hi Jacob sa mga gin-apuan taw migdayè ki Jesus ha sinugù din. Intugyan nuy si Jesus duun hu mga agalen daw pigtameyes nuy daan duun hu atubangan hi Pilato bisan su igpaawà en ngaay haena hi Pilato.

1 Pedro 1:21

Pinaagi kandin nakatuu kaw duun hu Dios ha iyan migbanhaw ki Cristo daw inlikù diyà ta kandin sa pagkagamhanan din su anay. Aman sa pagsalig nuy daw sa taghinamen nuy iman iyan dà gayed sa Dios.