Juan 16:5 - Lalang Hu Dios

⁵ “Iman ag-ulì ad en duun hu Amay ku ha migsugù kanak ba hurà en inyu tagpanginginsà ku hindu a agpayanaen.

Juan 16:5 Iomraidhean Croise

Juan 13:3

Natun-an hi Jesus ha iyan impagharì hu Dios ha Amay din hu alan daw natun-an din daan ha duun napuun hu Dios daw diyà dà daan ag-ulì ta kandin.

Juan 13:36

Nanginginsà si Simon Pedro, “Ginuu, hindu ka duun agpayanaen?” Tuminubag si Jesus, “Harì kaw pa iman makaduun hu agpayanan-an ku ba makalupug kaw dà kanak ku malugay.”

Juan 14:28

“Napaliman nuy sa inikagi ku ha ag-awaan ku inyu ba aglikù a dà dini ta inyu. Ku palanggà a inyu mabayà-bayà kaw gayed ta ag-ulì a duun hu Amay ku ha iyan labaw dì kanak.

Juan 16:10

Igpadayag din sa paagi ha mahimu sidan ha matareng ta siak ag-ulì ad en duun hu Amay ku daw harì ad inyu maahà.

Juan 16:16

“Harì en malugay harì ad en inyu maahà ba harì en daan malugay maahà a dà inyu.”

Juan 16:17

Sa duma ha mga tinun-an hi Jesus migpainsaay, “Inu gid sa kahulugan taena ha inikagi din ha harì en malugay harì taw en maahà ba harì en daan malugay maahà taw dà? Daw inu gid daan sa kahulugan hu tag-ikagiyen din ha ag-ulì duun hu Amay din?”

Juan 16:28

Duminini a ta kalibutan ba duun a napuun hu Dios ha Amay ku. Iman ag-awaan ku haini sa kalibutan ta ag-ulì a duun hu Amay ku.”

Juan 17:13

“Laus ad ag-ulì diyan ta ikaw ba ig-ampù ku sidan iman ha dini a pa ta kalibutan ta daw sa kalipay dan mailing hu kanak ha kalipay.

Juan 17:4

Dini ta kalibutan dinayè ku ikaw ta napengahan kud sa impabuhat nu kanak.

Juan 6:62

Inu man sa henà-henà nuy ku siak sa Batà hu Etaw maahà nuy ha batunen ad payanaen diyà ta langit ha iyan napun-an ku?

Juan 7:33

Ba minikagi si Jesus, “Harì en tungkay malugay ag-awaan kud inyu ta ag-ulì ad en duun hu migsugù kanak.

Hebreo 1:3

Sa pagpangaluanlag hu Dios impadayag pinaagi hu Batà din ta iling dà gayed sidan, daw iyan sa Batà din tagbayà hu alan ha tinanghagà pinaagi hu gahem hu pag-ikagi din. Su mapalas din en sa mga salà hu kaet-etawan pinaagi hu kamatayen din, luminikù diyà ta langit daw duun mininuu hu kawanan hu Dios ha gamhanan.

Hebreo 12:2

Iyan taw dà gayed saligan si Jesus sa puunaan daw sa igkahimpit hu pagtuu taw, ta inantus din sa kalansanga kandin duun hu krus daw hurà gayed kagayhà taena tumenged hu kalipay din ku maiwas en haena. Iman duun tagpinuu hu kawanan hu Dios.