Juan 16:33 - Lalang Hu Dios

³³ “Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Juan 16:33 Iomraidhean Croise

Mateo 9:2

Amin mga etaw ha taglanting hu minatay en sa dibaluy ha lawa din daw inuwit dan haena diyà ki Jesus. Su matun-an hi Jesus ha adagi gayed sa pagsalig kandin taena ha mga etaw inikagiyan din su agkadaluwan, “Magmalipayen ka ta napasaylu en sa mga salà nu.”

Lucas 19:38

“Panalanginan gayed sa Harì ha nakauma ha sinugù hu Dios. Malinawen iman sa pagdapità hu Dios daw hu mga etaw aman dayeen gayed sa Dios diyà ta langit.”

Lucas 2:14

“Dayeen gayed sa Dios diyà ta langit daw magmalinawen sa mga etaw ha pakapalipay hu Dios dini ta kalibutan.”

Juan 12:31

ha iyan en iman panahun ha sa Dios maghukum hu silut taena ha harì agtuu kanak, ta si Satanas ha iyan harì dini ta kalibutan madaeg.

Juan 14:1

“Harì kaw gayed masamuk ba salig kaw duun hu Dios daw salig kaw daan kanak.

Juan 14:27

Igbilin ku sa kalinaw duun hu henà-henà nuy, sa kalinaw ha dini ta kanak iyan igbilin ku inyu. Sa mga etaw ha harì agtuu kanak hurà dan kalinaw ha iling taena. Aman harì kaw masamuk daw harì kaw en mahaldek.

Juan 16:11

Igtudlù din ha sa mga makasasalà silutan gayed hu Dios ta si Satanas sa tagharì hu harì agtuu kanak pighukuman en hu silut.

Mga Buhat 14:22

Pigdasig dan sa mga tumutuu diyà ha harì umendà hu pagtuu ba maniguru gayed. Inikagiyan dan sidan, “Sikuy sa mga tumutuu madakel sa maagiyan taw ha alantusen daw human taw kauma sa tagharian hu Dios.”

Mga Buhat 23:11

Su daleman en sa Ginuu migpaahà ki Pablo ha tagyanaen, “Pandayai sa gahinawa nu ta iling ha intultul nu sa mahitenged kanak dini ta Jerusalem itultul nu daan haini diyà ta Roma.”

Mga Buhat 27:22

Ba iman paniguru kaw daw harì kaw agkahaldek ta malened haini sa barku ba hurà matay kanuy.

Mga Buhat 27:25

Aman mga amigu, harì kaw agkasamuk ta agtuuwan ku gayed ha matuman sa inikagi kanak hu Dios.

Mga Buhat 9:31

Duun taena ha panahun malinawen sa pagtimà hu mga tumutuu duun hu mga prubinsya ta Judea, ta Galilea daw ta Samaria. Miglig-en sa pagtuu dan daw pinaagi hu pagbulig kandan hu Balaan ha Ispiritu migdakel gayed sidan daw migmatinahuren daan sidan hu Dios.

2 Corinto 1:3

Dayeen sa Dios sa Amay hi Cristo Jesus ha Ginuu taw daw maluluy-en daan haena ha Amay taw ta diyà ta kandin napuun sa pakapadasig kanuy.

2 Corinto 13:11

Mga suled ku, iyan dà haini. Paniguru kaw ha mahimpit kaw gayed daw tumanen nuy sa salambagan ku inyu. Magsabuwa kaw hu henà-henà nuy ta daw magmalinawen sa pagdapità nuy. Ku buhaten nuy haini sa Dios ha iyan puunaan hu pagpalanggà daw kalinaw magduma inyu.

2 Corinto 2:14

Adagi gayed sa pagpasalamat ku duun hu Dios ta pinaagi hu pagpakigsabuwa day ki Cristo impaahà hu Dios duun hu alan ha mga etaw ha nalibri kay duun hu gahem hi Satanas. Pinaagi kanay sa tultulanen mahitenged ki Cristo agkailing hu pahumut ha nakalekep duun hu bisan hindu.

2 Corinto 4:7

Iling kay hu bangà ha tinaguan hu mahalen tungkay ta bisan ku maluya kay ba saini ha katengdanan insalig kanay hu Dios ta daw matun-an hu mga etaw ha sa adagi ha gahem day kenà dini ta kanay napuun ba duun hu Dios.

2 Corinto 6:4

Duun hu alan igpaahà day gayed ha suluguen kay hu Dios. Mainantusen kay duun hu mga malegen daw hu mga kasamukan.

2 Corinto 7:4

Adagi gayed sa pagsalig ku inyu daw iyan kaw tigpagalbu ku. Aman nadasig a daw bisan duun hu mga malegen adagi gayed sa kalipay day tumenged inyu.

Galacia 1:4

Inhalad hi Cristo Jesus sa kaugalingen din tumenged hu mga salà taw ta daw maluwas kuy duun hu madaet dini ta kalibutan iman sumalà hu agkabayaan hu Dios ha Amay taw.

Galacia 6:14

Siak iyan dà gayed tigpasigalbu ku sa kamatayen hi Cristo Jesus ha Ginuu taw duun hu krus, ta pinaagi taena kenà ad en iman ulipen hu kabayà ku hu mga kalibutanen ta harì kud en haena agkabayaan.

Filipos 4:7

Sa Dios mag-ila inyu hu kalinaw ha iyan makapaawà hu mga kabugus duun hu mga henà-henà nuy tumenged hu pagpakigsabuwa nuy ki Cristo Jesus. Saena ha kalinaw harì gayed agkasabut hu mga etaw.

Colosas 1:20

daw pinaagi hu langesa din ha tuminugà duun hu krus nakalikù sa maayad ha pagdapità hu Dios daw hu bisan inu dini ta kalibutan daw diyà ta langit.

1 Tesalonica 3:4

ta su diyan kay pa ta inyu inikagi day en ha pasipalahan kay daw natun-an nuy ha nahitabù gayed haena kanay.

1 Tesalonica 3:7

Tumenged taena ha pagtuu nuy, mga suled, bisan ku pigpasipalahan kay ba agkadasig kay dà mahitenged inyu.

2 Tesalonica 3:16

Sa Ginuu mag-ila inyu hu kalinaw duun hu bisan inu ha maul-ulahan nuy ta diyà ta kandin agkapuun sa kalinaw. Sa Ginuu magduma inyu alan.

2 Timoteo 3:12

Laus gayed ha sa mga tumutuu ki Cristo Jesus ha agkabayà tagbuhat hu agkabayaan hu Dios tag-antus daan hu mga pasipala

Hebreo 11:25

Iyan din impalabi sa mga alantusen duma hu mga etaw hu Dios ha pigpasipalahan dì hu mababà dà ha mga kalipayan hu pagpakasalà.

Hebreo 7:2

Dayun inilahan hi Abraham hu ikasampulù ha bahin hu alan ha mga butang ha nangaagaw din. Sa kahulugan hu Melchizedek na Harì hu Katareng, daw tumenged ta harì daan haena ta Salem tagpasabut ha iyan Harì hu Kalinaw.

1 Pedro 5:9

Sukuli nuy haena ha malig-en sa pagtuu nuy ta natun-an nuy ha sa alan ha mga suled taw duun hu pagtuu dini ta tibuuk ha kalibutan nakaagi daan taini ha alantusen.

1 Juan 2:13

Sinyu sa mga Amay, sinulatan ku inyu ta nakilala nuy en haena sa duduun en su hurà pa tanghagaa sa kalibutan. Sinyu sa mga batan-en pa ha mga etaw, sinulatan ku inyu ta nadaeg nuy en si Satanas. Sinyu sa pinalanggà ha mga batà ku, sinulatan ku inyu ta nakilala nuy en sa Dios ha Amay taw.

1 Juan 4:4

Ba sinyu sa pinalanggà ku ha mga batà, iyan kaw iman etaw hu Dios daw nadaeg nuy en sa mga biduen ha manunudlù, ta sa Balaan ha Ispiritu ha uminulin diyan ta inyu mabis-ay gayed dì ki Satanas sa ag-tagu daan duun hu kenà mga tumutuu.

1 Juan 5:4

ta sa alan ha nahimu en ha mga batà hu Dios agkadaeg dan gayed sa madaet dini ta kalibutan. Sa pakapadaeg hu madaet dini ta kalibutan iyan sa pagtuu taw.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 3:21

Saena ha madaeg din sa madaet ag-ilahan ku hu katenged pagharì duma kanak iling ha nadaeg ku daan si Satanas daw tagharì a duma hu Dios ha Amay ku.

Impadayag 7:14

Saena tinubag ku, “Ikagiya nu kanak ta harì ku agkatun-an.” Dayun inikagiyan a kandin, “Sayana ha mga etaw iyan su nakaagi hu pinakahaluhaldek ha kasamukan diyà ta kalibutan. Maputì sa bisti dan ta hinenawan en hu langesa taena ha Nati ha Karniru.