Juan 16:3 - Lalang Hu Dios

³ Agbuhaten dan haena ta siak daw sa Amay ku hurà dan kakilala.

Juan 16:3 Iomraidhean Croise

Lucas 10:22

Minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha pilien ku ha makakilala kandin.”

Juan 15:21

Pasipalahan kaw gayed kandan tumenged ta mga etaw ku inyu daw hurà dan kakilala sa Amay ku ha migsugù kanak.

Juan 15:23

Bisan sin-u sa agkuntra kanak agkuntrahen din daan sa Dios ha Amay ku.

Juan 17:25

“Matareng ha Amay ku, saena ha harì agtuu kanak hurà dan kakilala ku sin-u ka, ba siak nakilala kud en ikaw daw natun-an hu mga etaw ha sinugù a ikaw dini.

Juan 17:3

Iyan haini paagi ha madawat dan sa kinabuhì ha hurà din katapusan, sa pagkilala dan ikaw sa laus daw sabubuwa dà ha Dios daw sa pagkilala dan daan kanak ha iyan a si Cristo Jesus sa sinugù nu.

Juan 8:19

Dayun nanginginsà kandin sa mga Parisiyu, “Hindu diay duun sa amay nu?” Tuminubag si Jesus, “Harì nuy agkakilala ku sin-u a daw ku sin-u sa Amay ku, ta ku agkatun-an nuy pa ngaay ku sin-u a matun-an nuy en daan ku sin-u sa Amay ku.”

Juan 8:55

Harì nuy agkakilala ba siak agkakilala ku gayed. Ku naikagi ku pa ngaay ha harì ku haena agkakilala iling a dà inyu ha biduen. Ba saena nakilala ku gayed aman tagtuman a hu mga lalang din.

Mga Buhat 3:17

“Iman mga suled, natun-an ku ha saena binuhat nuy duma hu mga agalen ta hurà nuy kakilala ku sin-u si Jesus.

1 Corinto 2:8

Sa mga agalen duun taini ha panahun hurà gayed makasabut taena, ta ku natun-an dan pa harì dan ngaay ilansang sa Ginuu duun hu krus ha iyan labaw hu alan.

2 Tesalonica 1:8

Saena ha hurà makakilala hu Dios daw harì agtuu hu Maayad ha Tultulanen mahitenged ki Jesus ha Ginuu taw agsilutan din gayed.

1 Timoteo 1:13

Bisan ku pigtameyes ku si Cristo Jesus daw pinasipalahan ku daan sa mga tumutuu su anay ba nahid-uwan a dà hu Dios ta nabuhat ku haena sa madaet tumenged ta hurà a pa makakilala daw hurà a pa daan makatuu ki Jesus.

1 Juan 2:23

Sa etaw ha harì agtuu hu Batà hu Dios harì daan pakakilala hu Dios ha Amay taw, ba sa etaw ha tumuu hu Batà hu Dios pakakilala hu Dios ha Amay taw.

1 Juan 3:1

Adagi gayed tungkay sa pagpalanggà kanuy hu Dios ha Amay taw ta inisip kuy en kandin ha mga batà din daw laus gayed haena. Iyan haini hinengdan ha sa mga etaw dini ta kalibutan harì pakakilala kanuy ta hurà dan daan kakilala sa Dios.

1 Juan 4:8

Ba saena ha harì tagpalanggà hu mga duma din harì pakakilala hu Dios ta sa kinaiya hu Dios iyan gayed sa pagpalanggà.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.