Juan 15:25 - Lalang Hu Dios

²⁵ Ba iyan haena katumanan hu insulat duun hu Kasuguan dan ha tagyanaen, ‘Bisan ku hurà dan gayed katarengan ha igkuntraha dan kanak ba kinuntra a gihapun kandan.’

Juan 15:25 Iomraidhean Croise

Mateo 10:8

Maulian nuy sa agkangadaluwan daw banhawen nuy sa minatay en. Maulian nuy daan sa mga sanglahen daw bugawen nuy sa mga busaw ha tuminagù duun hu mga etaw. Harì kaw manayù hu bayad duun hu mga etaw ha pigbuligan nuy ta sa gahem ha in-ila ku inyu hurà din bayad.

Lucas 24:44

Inikagiyan din sidan, “Iyan en haini inikagi ku inyu su anay ha tagduma-dumahà kuy ha kinahanglan matuman gayed sa alan ha nakasulat mahitenged kanak duun hu Kasuguan hi Moises daw hu mga insulat hu prupita daw duun hu mga Salmo.”

Juan 10:34

Inikagiyan sidan hi Jesus, “Hurà ba makasulat en duun hu Kasuguan nuy sa lalang hu Dios ha tagyanaen, ‘Iyan kaw mga magbabayà’?

Juan 13:18

“Sa inikagi ku kenà mahitenged hu alan inyu ta natun-an kud sa mga henà-henà taena ha mga pinilì ku. Ba amin sabuwa inyu ha maglimbung kanak ta daw matuman sa lalang hu Dios ha tagyanaen, ‘Sa etaw ha makigsalu kanak iyan daan magkuntra kanak.’

Juan 19:36

Nahitabù haena ta daw matuman sa insulat ha lalang hu Dios ha tagyanaen, “Hurà bisan sabuwa ha mabalì duun hu mga tul-an din.”

Roma 3:19

Natun-an taw en ha sa Kasuguan iyan migpadayag hu salà taena ha sakup duun. Pinaagi hu Kasuguan natun-an taw ha hurà gayed makaikagi ha harì angayan ha silutan ta sa alan suminupak hu Dios.

Roma 3:24

Ba tumenged hu grasya hu Dios ag-isipen kuy kandin ha matareng pinaagi hu kalibriya kanuy hi Cristo Jesus.

2 Corinto 11:7

Su magsangyaw a diyan ta inyu hu Maayad ha Tultulanen mahitenged hu Dios migpaubus a ta hurà a magpasuhul inyu ta daw mabuligan ku inyu. Madaet ba diay haena?

Galacia 2:21

Kinahanglan gayed ha dawaten ku sa grasya hu Dios ta ku pinaagi pa ngaay hu pagtuman hu Kasuguan ha isipen sa etaw ha matareng, hurà pulus hu kamatayen hi Cristo.”

2 Tesalonica 3:8

daw hurà kay magsalig inyu hu mga kinahanglanen day ba naniguru kay hu pagtrabahu ta daw harì kaw masamukan kanay.

Impadayag 21:6

“Natuman en iman sa alan. Iyan a puunaan daw iyan a daan katapusan hu alan. Bisan sin-u sa agkalauwan igpainum ku duun ku tuburan ha tag-ila hu kinabuhì ha hurà din bayad.

Impadayag 22:17

Sa Balaan ha Ispiritu daw sa tag-asawahen taena ha Nati ha Karniru tagyanaen, “Dumini ka.” Sa alan ha makapaliman taena umikagi daan, “Dumini ka.” Bisan sin-u sa agkalauwan dumini daw bisan sin-u sa agkabayà hu wahig ha pakaila hu kinabuhì mailahan ha hurà din bayad.