Juan 13:27 - Lalang Hu Dios

²⁷ Su makaen en haena hi Judas sagunà ginaheman hi Satanas. Inikagiyan dayun hi Jesus, “Ku inu sa agbuhaten nu agpasa nud en.”

Juan 13:27 Iomraidhean Croise

Mateo 12:45

agpangembang su busaw hu pitu ha duma din ha ayuwà pa madaet dì kandin daw taguan dan dà paman haena sa etaw. Aman ayuwà pa malegen sa kahimtang taena ha etaw dì su anay. Iyan daan haena maul-ulahan hu madaet ha mga etaw iman.”

Mateo 4:10

Ba si Jesus tuminubag, “Awà ka dini ta kanak, Satanas, ta sa lalang hu Dios nakasulat en ha tagyanaen, ‘Iyan dà sa Dios ha Magbabayà hu alan angayan ha simbahen daw alagaran.’”

Marcos 6:25

Aman sagunà luminikù su laga duun ku harì daw panayù ha tagyanaen, “Agkabayaan ku ha iila nu iman kanak sa ulu hi Juan Ha Tagpamautismu ha iugsak duun hu lampay.”

Lucas 22:3

Dayun si Judas ha tagngaranan daan ki Iscariote ha sabuwa duun ku sampulù daw daruwa ha mga tinun-an hi Jesus tinaguan hi Satanas.

Juan 13:2

Agpanihapun sidan ba si Judas Iscariote ha batà hi Simon daan en tinaguan hi Satanas ha iyan maglimbung ki Jesus.

Juan 13:28

Hurà gayed katun-i hu mga tinun-an hi Jesus ku imbà haena ikagiya hi Jesus diyà ki Judas.

Juan 6:70

Dayun tuminubag si Jesus, “Pinilì ku inyu sa sampulù daw daruwa ba sa sabuwa inyu sakup en hi Satanas.”

Mga Buhat 5:3

Ba minikagi si Pedro, “Ananias, tinaguan kad gayed hi Satanas aman pigbiduan nu sa Balaan ha Ispiritu. Imbà nu man alati su salapì ha halin hu bugtà?