Juan 12:42 - Lalang Hu Dios

⁴² Bisan pa taena amin gihapun mga agalen hu Judio ha nakatuu ki Jesus. Ba bà dan dà inheles ta agkangahaldek sidan hu mga Parisiyu ku harì sidan ipaseled duun hu simbahan,

Juan 12:42 Iomraidhean Croise

Mateo 10:32

“Bisan sin-u haena sa ag-angken kanak duun hu mga etaw angkenen ku daan duun hu Amay ku diyà ta langit.

Lucas 12:8

“Ikagiyen ku inyu ha bisan sin-u haena sa ag-angken kanak duun hu mga etaw siak sa Batà hu Etaw angkenen ku daan duun hu mga balinsuguen hu Dios.

Lucas 23:13

Inamul-amul hi Pilato sa mga labaw ha sinaligan hu paghalad daw sa duma ha mga agalen daw sa kaet-etawan

Lucas 6:22

“Malipayen kaw gayed ku kuntrahen kaw hu mga etaw daw harì kaw en kandan pagsimahen, ku sulaen kaw daan daw tameyesen kaw tumenged kanak siak sa Batà hu Etaw.

Juan 11:45

Madakel sa mga Judio ha namisita ki Maria sa nakatuu gayed ki Jesus su maahà dan sa binuhat din.

Juan 12:11

ta tumenged kandin madakel ha mga Judio sa nakabig diyà ki Jesus daw tuminuu.

Juan 16:2

Ta abugen kaw gayed kandan puun ta simbahan daw makauma daan sa panahun ha abi hu maghimatay inyu ha malipay sa Dios taena.

Juan 19:38

Amin etaw ha tagngaranan ki Jose ha taga-Arimatea ha duminiyà ki Pilato daw panayua sa lawa hi Jesus. Saena in-ila hi Pilato kandin aman duminuun si Jose ku krus daw timua sa lawa hi Jesus. Si Jose sumusunud hi Jesus ba inheles din sa pagtuu din su anay ta agkahaldek hu mga agalen hu Judio.

Juan 3:2

Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 7:13

Ba bà dà sidan tagmuya-muya ta agkangahaldek sidan hu mga agalen hu Judio.

Juan 7:31

Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”

Juan 9:22

Iyan haena inikagi hu mga laas din ta agkahaldek sidan hu mga agalen hu Judio tumenged ta nauyunan en ku mga agalen ha bisan sin-u sa umikagi ha si Jesus iyan su Misiyas harì gayed ipaseled duun hu simbahan.

Juan 9:34

Tuminubag haena sa mga agalen, “Agtudluan kay ba daan ikaw sikaw sa masinupaken sugud dà su ibatà?” Dayun inabug dan haena diyà ta guwa.

Mga Buhat 5:41

Inawaan su mga labaw ha agalen ku mga apustulis ha malipayen ta naisip sidan ha angayan ha pagagayhaan tumenged ki Jesus.

Roma 10:10

Pighimo kuy ha matareng hu Dios tumenged ta laus man gayed sa pagtuu taw daw naluwas kuy ta insugid taw man sa mga sala taw.

1 Juan 4:15

Bisan sin-u sa tag-ikagi ha si Jesus iyan gayed Batà hu Dios saena nakigsabuwa gayed hu Dios.

1 Juan 4:2

Iyan haini timaan ha matun-an nuy ku sin-u gayed sa inulinan hu Balaan ha Ispiritu ha sinugù hu Dios. Ku itudlù dan ha si Cristo Jesus iyan en Batà hu Dios ha migpakaetaw saena ha katudluanan dan duun napuun hu Dios.